Свет
И натаму нема одговoр на протерувањата: Москва чека да види до каде ќе оди непријателството од Западот
Заменик-министерот за надворешни работи на Русија, Сергеј Рјабков, денеска изјави дека Москва има намера првично да го процени нивото на непријателство кое доаѓа од Вашингтон и Лондон кон Русија, а потоа да одговори на протерувањето на дипломатите.
САД и повеќе земји членки на ЕУ планираат да протераат десетици руски дипломати како казна за Кремљ поради нападот со нервен агенс врз поранешниот двоен разузнавач Сергеј Скрипал и неговата ќерка. Официјален Лондон смета дека за нападот на британско тло е одговорна Русија.
Русија, пак, категорично ги отфрла обвинувањата за вмешаност во нападот и вели дека активностите на западните земји се гест на провокација. Официјална Москва, исто така, најави и соодветен одговор, но дури по проценка на нивото на непријателство. Тоа го потврди и заменик-министерот за надворешни работи, Сергеј Рјабков.
Портпаролот на рускиот амбасадор во Велика Британија, пак, изјави дека голем број земји во светот немаат намера да застанат зад изјавата на британската премиерка, Тереза Меј.
„Иако Меј рече дека е апсолутно сигурна оти Русија е одговорна за инцидентот во Салисбури, таа ќе треба да ги открие сите докази и јавно да ја покаже наводната руска вмешаност пред меѓународната заедница и британската јавност“, истакнува портпаролот во изјава за агенцијата „Тас“.
Портпаролот додал дека докази за одговорноста за нападот чекаат дури 160 земји кои се надвор од западниот блок. Очигледно, заклучил тој, поголемиот дел од светот не ги зема британските обвинувања „здраво за готово“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.