Свет
Макрон: ЕУ не е самопослуга
Новоизбраниот претседател на Франција, Емануел Макрон, во првото интервју за медиумите во Европа истакна дека сака да ја предводи „европската преродба” преку создавање на Европската унија што инспирира и што подобро ќе се грижи за своите граѓани.
Тој рече дека целосно верува во нова ера на обновена соработка меѓу Париз и Берлин во насока на заживување на европскиот проект, не само во тмурните конференциски сали, туку и во главите на луѓето. Како најголем предизвик и почетна позиција во својата надворешна политика тој го посочи справувањето со “кризата што ги погоди западните демократии”.
„Денес, кога ќе ја погледнете планетата, што гледаме – подем на нелибералната демократија и на екстреми во Европа, повторното појавување на авторитарни режими кои ја ја доведуваат под прашалник животната енергија на демократијата во САД, кои делумно се повлекоа од светот Оваа ситуација ја влошуваат растечката неизвесност и проблемите – интензивирањето на кризата на Блискиот исток и во Персискиот Залив и нееднаквоста што се шири низ целиот свет “, рече францускиот претседател, додавајќи дека кризата “делумно произлегува од длабоката нееднаквост што ја создаде светскиот поредок и од исламскиот екстремизам “.
Според него, Европа нема друг избор освен да се стане лидер во борбата против нелиберализмот во Европа.
“Демократијата е родена во Европа. , САД ја сакаат слободата колку и ние но немаат исто чувство за правдата. Европа е единственото место во светот каде што слободата на поединцот, духот на демократијата и социјалната правда се толку тесно обединети. Затоа, сега се отвора прашањето дали Европа ќе успее во одбраната на силните вредности што со децении му ги даваше на светот или тие ќе бидат уништени од нелибералните демократии и авторитарни режими “?
Макрон оцени дека за помирување на европските граѓани со европскиот проект од клучно значење ќе биде да се заострат правилата за работниците и да се спречат компаниите да вработуваат евтина работна сила од другите земји од ЕУ, како и производството да се префрла во земји со пониски плати.
Макрон во изборната кампања ги критикуваше земјите од Централна Европа, како што се Полска и Унгарија за одбивањето да соработуваат околу бегалците и за непочитувањето на европските вредности. Сепак, во интервјуто за европските медиуми изјави дека не верува “во конфликт меѓу Истокот и Западот во Европа”, но предупреди дека некои европски лидери “напуштајќи ги принципите, и го врти грбот на Европа, со циничен пристап кон ЕУ, која им служи само како извор на финансии, а не ги почитуваат нејзините вредности. ”
“Европа не е самопослуга. Европа е заедничка судбина. Таа слабее кога нејзините принципи се отфрлени. Земјите во Европа кои не ги почитуваат правилата треба да бидат принудени да се соочат со политички последици. И тоа не е дебата меѓу Истокот и Западот”, рече тој, додавајќи дека со сите ќе зборува со почит но нема да ги жртвува европските принципи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Свет
11 канали на „Телеграм“ блокирани во Русија поради терористичка содржина
Руската агенција за следење на комуникациите „Роскомнадзор“ го ограничи пристапот до 11 канали на платформата „Телеграм“ поради терористичка содржина во последните два дена, објави агенцијата РИА.
„Од терористичкиот напад во концертната сала ‘Крокус сити хол’ спроведуваме насочен мониторинг. Ги бележиме фактите за намерното ширење разни невистини по терористичкиот напад – фалсификати и повици за екстремистички активности“, соопшти „Роскомнадзор“.
РИА наведува дека на барање на „Роскомнадзор“ биле отстранети околу 600 документи со терористичка содржина или има забранет пристап до нив.