Свет
Најмалку 25 исчезнати во уривањето на кулата во Техеран
Иранските власти во понеделникот соопштија ви петокот дека уште 25 луѓе се водат како исчезнати во уривањето на кулата од четвртокот во главниот град Техеран, покрај прецизираните податоци за 20 загинати пожарникари, поради што е прогласен ден на жалоста во сабота, објави државната телевизија.
„Полиција прими известувања за 25 лица кои се пријавени како исчезнати. Ги повикуваме граѓаните да пријават доколку уште некој од членовите на нивните семејства кои работеле во зградата Plasko“, изјавил претставникот на полицијата.
Дваесетте пожарникари загинале во текот на евакуацијата на зградата во четвртокот. Потрагата по телата на исчезнатите го отежнуваат густиот чад и оган кој уште тлее меѓу урнатините.
Во трговскиот комплекс „Plasko“ пожарот избувнал во четвртокот утрото околу 8 часот по локално време, или 5,30 по македонско. Огнот се ширел од деветтиот кат на објектот кој има 15 ката над земјата и пет подземни катови, и набрзо го зафатил целиот горен дел од комплексот. Пожарникарите околу три и пол часа се бореле со огнот. Потоа, околу 11,30 часот по локално време, кулата се урнала зафаќајќи ги околните згради. Евакуирани беа околните згради, меѓу кои и амбасадите на Велика Британија и на Турција
Комплексот „Plasko“ е изграден во 1962 година и е еден од најстарите високи објекти во Техеран. Во него биле сместени голем број продавници претежно за обувки и облека../крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат откога видеото од провинцијата Пенџаб, на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата, која се бори со бранот насилство врз жените. 22-годишна девојка била убиена од својот брат додека таткото гледал, а непознато трето лице го снимило злосторството, изјави за ДПА претставникот на локалната полиција, Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го скријат своето злосторство, изјави полицискиот службеник Мохамед Имран.
Се спроведуваат рации за апсење на лицето, кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.