Европа
Пенс: Трамп останува приврзан на соработката со ЕУ, САД го поддржуваат обединувањето на Европа
Американскиот потпретседател Мајк Пенс изјави во понеделникот дека претседателот Доналд Трамп е приврзан на соработката со Европската унија на заедничките цели – мирот и просперитетот, додека европските челници Доналд Туск и Жан-Клод Јункер истакнаа дека на САД им е потребна силната ЕУ.
„Имам привилегија во името на претседателот (на САД, Доналд) Трамп да ја изразам силната приврзаност на Соединетите држави на продолжувањето на соработката и партнерството со Европската унија“, изјави американскиот потпретседател Мајк Пенс на состанокот со челникот на Советот на Европа, Доналд Туск.
„Какви и да се разликите, нашите два континента споделуваат исто наследство, исти вредности и, над сé, иста цел за промовирање на мирот и просперитетот низ слободата, демократијата и владеењето на правото, и ние остануваме приврзани на тие цели“, рече Пенс.
Туск, од своја страна, рече дека на Пенс му поставил три прашања: дали САД се согласуваат со зачувувањето на сегашниот меѓународен поредок врз основа на меѓународното право, за значењето на заедничката безбедност во рамките на НАТО и може ли ЕУ да смета на недвосмислена поддршка за идејата за обединувањето на Европа. „На сите три прашања добив одговор: да“, рече Туск.
Претседателот на Европската комисија, Жан-Клод Јункер, изјави пред состанокот со Пенс дека САД „имаат потреба од обединета Европа во секоја смисла“. „Сега не е моментот Европа да се дели во некогашните национални и провинциски категории“, рече Јункер. .
Туск на конференцијата за медиумите ги спомена и неодамнешните изјави за застареноста на НАТО.
„Нашата безбедност се темели на НАТО и на најтесната можна трансатлантската соработка. Мораме да работиме заедно на модернизацијата на формите на соработка. Некои од нив навистина може да бидат подобри, но ние треба да се согласиме околу една работа: идејата на НАТО не е застарена, како што не се ниту вредностите кои лежат во неговите темели“, рече Туск.
„Премногу нешта се случија последните месеци во вашата земја и во ЕУ, премногу нови и понекогаш изненадувачки мислења се изнесени е за нашите односи и за нашата безбедност, за да се преправаме дека сé е како што некогаш беше“, додаде Туск.
Пенс во Брисел допатува од Минхен каде што учествуваше на конференцијата за безбедност. Негова последна посета во рамките на европската турнеја на тројцата високи функционери од администрацијата на претседателот Трамп.
Пенс во белгиската и европската престолнина, покрај со Туск и Јункер, сретна и со високата претставничка за надворешна и безбедносна политика на ЕУ Федерика Могерини, а средби во текот на денот тече состанокот и со генералниот секретар на НАТО, Јенс Столтенберг.
Од минатата седмица тројцата високи функционери на САД престојуваат во Европа, настојувајќи да ги примири европските сојузници вознемирени од некои изјави на американскиот претседател Доналд Трамп за застареноста на НАТО како организација и барање од европските сојузници повеќе да вложуваат во сопствената одбрана, и за излегувањето на Велика Британија од ЕУ како позитивен чекор кој ќе го следат и други земји членки.
Пенс, меѓу другото, ја истакна и важноста на заедничката борба против тероризмот и повтори дека САД нема да ѝ попуштаат на Русија во врска со ситуацијата во Украина.
„За ефикасната борба против тероризмот, ЕУ и САД мора уште потесно да соработуваат и да разменуваат разузнавачки податоци“, рече Пенс.
Иако САД ќе бараат нова основа за соработка со Русија, нема да ѝ попуштаат на Москва, рече Пенс и ги повика двете завојувани страни во источна Украина да го почитуваат новото склучено примирје./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.