Свет
Трамп има намера да носи уредби веднаш по преземањето на должноста, ќе задржи 50 функционери на Обама
Избраниот американски претседател Доналд Трамп, кој во четвртокот допатува со воен авион во Вашингтон каде во петок ќе ја положи заклетвата за 45-ти претседател на САД, се подготвува да носи уредби веќе од својот прв ден во Белата куќа во петокот за да ги укине политиките на претседателот на заминување Бара Обама и да ги спроведува деловите од своите планови за запирање на имиграцијата и изградба на ѕид на америкнско-мексиканската граница, а побарал 50 владини функционери засега да останат во неговата администрација.
Донлд Трамп пристигна во средата во врска со инаугурацијата, но се врати во Њујорк, каде што преспа. Како што наложува традицијата, Трмп во четвртокот вечерта ќе преспие во Вашингтон, во службената резиденција Блер Хаус. Трамп во петокот точна напладне по локално време (во 18 часот по средноевропско време) ќе ја положи заклетвата и ќе ја преземе должноста од претседателот на заминување Барак Обама. По полагањето на заклетвата во петокот попладнето ќе се всели во Белата куќа.
Во темен костум со сина вратоврска, идниот американски претседател се спушти од скалилата на авионот во друштво на сопругата на Меланија која носеше очила за сонце и капут со темна боја и нивниот син Барон, пренесува AFP.
Авионот слета во воената база „Ендрјуз“, каде што е стациониран претседателскиот авион „Air Force One“ со кој Трамп отсега ќе патува по инаугурацијата. Повората со Трамп веднаш се упати во вашингтонскиот хотел кој го носи неговото име „Trump International Hotel“, кој лично го отвори во текот на предизборната кампања, каде што ручаше со челниците на републиканското мнозинство во Конгресот.
Доналд Трамп треба заедно со својот иден потпретседател Мајк Пенс да учествува и на свеченоста на воените гробишта Арлингтон, во предградието на престолнината, во чест на воените ветерани. Ќе одржи говор во рамките на концертот и огнометот ко по повод инаугурацијата ќе се организираат во близина на Линколновиот меморијален центар, каде што ќе настапат неколку пејачи на кантри музика.
Медиумите веднаш по неговото пристигнување во Вашингтон пишуваат дека Доналд Трамп уште во петокот веднаш по заклетвата во петокот, има намера да го искористи едно од најмоќните средства во својот кабинет – претседателското пенкало, за да ги потпише уредбите кои може да се спроведат и без расправа во Конгресот.
„Тој е предаден на тоа, не само првиот ден туку и вториот и третиот, да ги донесе стварните промени и мислам дека ќе го видите тоа во следните денови и седмици“, изјави за новинарите Шон Спајсер, портпаролот на Трамп, додавајќи дека очекуваат активности во петокот, во текот на викендот и на почетокот од следната седмица, пренесува CNN.
Главната тема на програмата на Доналд Трамп за зауздување на имиграцијата и создавање на работните места, додаде Спајсер.
Советниците на Трамп провериле повеќе од 200 можни уредби чиешто потпишување тој ќе го провери, а станува збор за прашања од областите за здравствена грижа, имиграцијата, енергетиката итн. Не е познато колку од тие укази Трамп ќе одобри, изјавил за Reuters член на неговиот преоден тим кој нема овластувања да дава изјави за медиумите.
Се очекува дека Трамп во првите неколку дена по преземањето на должноста ќе го потпише указот за градење на ѕидот на јужната граница со Мексико , што е еден од неколкуте чекори поврзани со зауздувањето на неконтролираната имиграција коишто му ги препорачале советниците. Тоа вклучува и укинување на уредбата н аОбама со која им беше дозволено на повеќе од 700.000 луѓе, кои се доведени во САД илегално уште како деца, да останат во земјата со двегодишна дозвола за работа и учење на колеџ.
Доналд Трамп побарал од 50 владини функционери на важни места засега да останат во неговата администрација, а меѓу нив се заменикот на министерот за одбрана Роберт Ворк и американскиот пратеник за борбата против Исламската држава, Берт Мекгар, потврди во четвртокот Спајсер.
Задржувањето на важните функционери од администрацијата на Обама е клучно за континуитетот на владата и со тоа се гарантира подготвеноста на земјата за решавање на какви и да се можни инциденти, рече Спејсер на прес-конференцијата.
Педесетте функционери ќе останаа на своите места додека администрацијата на Трамп не најде замени, додаде./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Свет
Кулеба: Неприфатливо е Украинците надвор од државата да седат во ресторани, додека други умираат
Министерот за надворешни работи на Украина со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.
„Алелуја“, изјави Дмитро Кулеба во интервју за „Гардијан“, запрашан за реакцијата на гласањето на американскиот Сенат во вторникот. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.
Во интервју за „Гардијан“, Кулеба рече дека се надева оти Белата куќа ќе претстави нов пакет оружје „за неколку дена, можеби дури и часови“ и дека е „само прашање на логистика“ да се префрлат залихите на линија на фронтот.
Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.
Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев.
Тој исто така додаде дека украинскиот претседател Володимир Зеленски разговарал со Џо Бајден за воената помош во понеделникот. Кулеба рече дека сојузниците на Украина треба да се префрлат од „изразување сочувство на Украинците и ветување помош за закрепнување за да се спречи загубата на животи и уништувањето на земјата“.
Тој рече дека враќањето на американската воена помош, која со месеци ја задржуваат републиканците кои се усогласени со Доналд Трамп, нема да биде доволно за да се победи Русија. „Ниту еден пакет не може да ги запре Русите. Она што ќе ги спречи Русите е обединет фронт на цела Украина и сите нејзини партнери“.
Кулеба рече дека Западот треба да го зголеми своето производство на оружје, како што направи Украина, бидејќи Русија го престигна. „Русија ја надминува Украина со околу 10 спрема еден, додека Украина е без воздушна одбрана.
Кога гледам што постигна Русија во изградбата на одбранбена индустриска база за две години војна и што постигна Западот, мислам дека нешто не е во ред со Западот“, рече Кулеба. „Западот мора да разбере дека ерата на мирот во Европа е завршена.
Врвот на воено-индустриското производство на сојузниците на Украина не се очекува до крајот на 2024 година“, рече шефот на дипломатијата, посочувајќи дека Киев предвидува дека војната ќе продолжи и следната година. Се очекува Русија да започне летна офанзива и се верува дека е во процес на мобилизирање на дополнителни 100.000 војници за борбата.
„Не знам што ќе се случи утре или како ќе се однесуваат политичките елити во САД. Она што го научивме од првиот претседателски мандат на Доналд Трамп е дека има излез од секоја криза“, рече тој.
Кулеба рече дека одлуката за откажување на конзуларните услуги за украинските мажи на борбена возраст кои живеат во странство, објавена во вторникот, е праведна бидејќи „момчињата во рововите се многу уморни“.
„Тие не разбираат зошто владата не се обидува да привлече повеќе луѓе во воените напори“, рече тој. Кулеба рече дека не е јасно колку Украинци ќе се вратат, но неприфатливо е оние надвор од земјата да „седат во ресторани“, додека други умираат.
„Мислам дека на крајот на оваа војна само едната страна ќе преживее, а тоа ќе биде Украина. Но, кога велам преживее, не мислам дека Русија ќе престане да постои како земја“, вели тој.
Свет
Русија и Украина договорија размена на децата одвоени од нивните семејства за време на војната
Руската комесарка за правата на децата Марија Лвова-Белова денеска изјави дека Русија и Украина се договориле за размена на децата кои биле одвоени од нивните родители за време на конфликтот меѓу двете земји.
Преговорите за размената се водеа со посредство на Катар, при што беше договорено Москва да прими 19 деца и 29 од нив да испрати во Украина, пишува РТ.
Белова изјавила дека владата на Катар го следи списокот на деца кои ќе бидат разменети, како и дека ова е прво преговарање во живо меѓу Москва и Киев од почетокот на војната, пренесува Танјуг.