Свет
Шефот на FBI тврди дека Русите влегле но не ја хакирале кампањата на Трамп
Руските информатички хакери кои наводно се обидувале да се уфрлат во американските претседателски избори не го хакирале тимот на националната кампања на сега избраниот претседател Доналд Трамп, изјави во вторникот директорот на американското Федерално биро за истраги (FBI), Џејмс Коми во продолжението од сослушувањето пред комисијата за разузнавање на Сенатот, откако претходно призна дека Бирото во истрагата за кибернетичките напади немало директен пристап до серверите на хакираната Демократска партија, и оти податоците ги добиле од „реномирана приватна компанија“.
Пред сенатската комисија, челникот на FBI, Џејмс Коми, тврдеше дека Русите упаднале во компјутерскиот систем на кампањата на Доналд Трамп на локално и на ниво на сојузни државни, но не и на национално ниво.
„Немаме никакви податоци дека кампањата на Трамп била хакирана на национално ниво. Русите дошле до податоци на Републиканската партија, но станувало збор за адреси од електронска пошта кои повеќе не биле во употреба“, појасни Коми додавајќи дека „собраните информации биле работа на минатото и не ги објавиле“.
Откако американското разузнавање го објави извештајот за кибернетичките упади во мрежите на Демократската партија во кој го обвинува директно рускиот државен врв, повеќе републиканци изјавија дека демократите имаат вина затоа што не сториле ништо да ги заштитат.
Администрацијата на американскиот претседател Барак Обама, кој ја поддржуваше во кампањата својата поранешна државна секретарка Хилари Клинтон која беше поразена од републиканскиот кандидат Доналд Трмап, ја обвинува Москва дека водела кампања на „поткопување на американскиот демократски процес“ за победа на Трамп.
САД особено ја обвинуваат Русија дека нејзиното воено разузнавање ГРУ ја хакирало електронската пошта на Националниот комитет на Демократската партија (DNC) и на Џон Подеста, шефот на кампањата на Клинтон, кои му ги доставиле на WikiLeaks. Овие подоцна објавени преписки го дискредитираа демократите во однос на заговор против сенаторот Берни Сандерс кој беше кандидат на предизборите и бизнис односите на Подеста и предизвикаа серија оставки во DNC.
Џулијан Асанж, основачот на WikiLeaks во онлајн прес-конференција решително негираше дека податоците ги добивале од некоја влада или служба, вклучително и руската.
Во вторникот портпаролот на Кремљ, Дмитриј Песков, коментирајќи ги американските обвиненија за наводното хакирање и воведените санкции оцени дека станува збор за „лов на вештерки“. Марија Захарова, портпаролката на руската дипломатија, пак, порача дека „изгледа дека Русите хакирале само две работи, а тоа се мозокот на Обама и извештајот за руските хакери“.
Сепак Вашингтон се реши на санкции со протерување на 35 руски дипломати и воведување санкции против девет физички и правни лица, а се заканува со нови и со одмазда.
Доналд Трамп, кој долго беше скептичен во врска со американските разузнавачки служби, откако беше запознаен со извештајот, повеќе не ги критикува директно./кај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две девојчиња повредени со нож во близина на училиште во Франција, напаѓачот е приведен
Две девојчиња на возраст од 6 и 11 години се полесно повредени со нож во близина на нивното училиште во Софелвејерсхајм, источна Франција, соопштија властите.
Според жандармеријата, 11-годишно девојче било повредено со нож пред училиштето, а друго е избодено на блискиот плоштад. Имаат површни рани и се хоспитализирани.
Напаѓачот бил приведен нешто по 14 часот и 15 минути на плоштадот. Тој веќе немал нож во раката и не пружал отпор.
„Човекот не е познат на службите и се чини дека неговите мотиви не биле поврзани со радикализација“, соопшти жандармеријата.
Децата биле задржани на училиште. Родителите ги чекале пред училиштето каде се распоредени неколку противпожарни возила.
„Навистина се плашам. Ни рекоа дека децата се безбедни внатре, но не знаеме кога ќе можеме да ги земеме“, рече Сара, една од мајките чие дете е на училиште.
Свет
Патник загина на летот на Рајанер над Италија, со него била и неговата бремена сопруга
Вчера, 33-годишен маж загина на летот на Рајанер над Италија додека неговата бремена сопруга седела во вториот, заден дел од авионот. Според италијанските медиуми, мажот починал од срцев удар.
Откако вчера наутро му се слошило на летот од Торино до Ламеција Терме, двајца патници обучени за давање медицинска помош се обиделе да го спасат, а персоналот на авионот бил принуден да влезе со дефибрилатор, пишува LaStampa. Авионот се вратил во Торино 30 минути по полетувањето, влетале лекарите, но на лице место била констатирана смрт на човекот.
Неговата сопруга дознала за неговата смрт дури откако авионот се вратил во Торино бидејќи седела далеку од него во задниот дел од авионот. Локалните медиуми јавуваат дека таа била однесена во блиската болница Сирие во состојба на шок.
По трагедијата, имаше тврдења дека спасувачките екипи доцнеле на аеродромот. Сепак, овие тврдења се отфрлени, а локалната здравствена власт соопшти дека биле подготвени да пружат помош веднаш по слетувањето на авионот.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.