Свет
Универзалката бара 800.000 евра
Оваа сала која најмногу работи доходовно, Ристо Пенов ја побара да падне под надлежност на Градот, ама за нејзина реконструкција се бараат пари и од Министерството за култура.
ИНВЕСТИЦИОНИ ЗАФАТИ ВО КУЛТУРАТА
Оваа сала која најмногу работи доходовно, Ристо Пенов ја побара да падне под надлежност на Градот, ама за нејзина реконструкција се бараат пари и од Министерството за култура.
Универзалната сала како институција од локален интерес, меѓу другото, и комерцијален објект, за најавеното реновирање, покрај парите од Градот, од донации, средства ќе добие и од државата. Така беше најавено пред локалните избори. Половина од парите од предвидените за реконструкција на единствениот поголем објект за музичко-сценски настапи, беа одобрени од Собранието на Скопје. Тоа се околу 400.000 евра, според проектот кој ќе чини безмалку 800.000 евра. В.д. директорот на Универзалката Гоце Димовски вели дека пари за Универзалката побарал и од неколку амбасади овде во Македонија, а засега има одговор од италијанската амбасада која потврдила дека ќе донира пари. Димовски не кажа колку пари ќе влезат во Универзалката од италијанската амбасада. Ама дополни: “Доколку и тогаш недостигаат пари, остатокот ќе го покријат Министерството за култура и Универзална сала со свои пари”. Да потсетиме, министерот за култура Благоја Стефановски само што Гоце Димовски го именува за в.д на Универзалката, веднаш му префрли пари за адаптирање и на театарска сцена што ја нарекоа “Сцена потковица”.
Проектот за реконструкција на салата е дело на две проектантски бироа, “Рау Г” на Ленка Маневска и “Китновски” на Ангел Китновски.
Гоце Димовски најавува: “Реконструкцијата ќе се одвива во две фази. Првата ќе чини 560.000 евра и во таа фаза ќе се обноват гардеробите, тоалетите, ќе се спушти плафонот во холот. Однадвор просторот ќе се прошири за 6 метри напред каде што ќе се смести билетарницата и по пет метри од страните. Во оваа фаза салата ќе се прошири за 250 седишта, со што вкупниот број на седишта ќе изнесува 1.800”. Димовски најавува дел од парите добиени за Универзалка да се потрошат и за градење кафулиња.
Тендерот за овој проект ќе се распише идниот месец, а веќе во јуни треба да почне реконструкцијата, а во септември да заврши.
Во втората фаза, според проектот, ќе се градела и концертна сала со 300 седишта и катна гаража со 300 паркинг-места. Катната гаража би требало да има 600 паркинг-места. Само што во моментов локацијата што Димовски ја најавува за катна гаража веќе не е на Универзалка, зашто “ни се одзеде половината. Најверојатно, Министерството за транспорт и врски ја продала некому, не знаеме, кому. Не знае ниту Ристо Пенов ниту министерот за култура Благоја Стефановски”.
Универзалната сала, која е една од најдоходовните сали која и натаму е финансирана од Министерството за култура, министреот Стефановски му ја даде во надлежност на Скопје, и тоа по барање на Пенов кога се правеше шемата на институциите од национален интерес. Пари од Министерството за култура Универзалката ќе зема и во преодниов период од две години, кога комплетно ќе профункционира децентрализацијата и во културата. А директорот на Универзалната веќе не го избира министерот за култура туку градоначалникот на Скопје. На Гоце Димовски одамна му е поминат в.д мандатот, дали ќе остане за директор, ќе завиди од градоначалникот. Кој и да е. Во промотивната изборна програма на Пенов за нови зафати беше и Универзалката. (Б.Несторовска.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.