Свет
Чешка пред парламентарни избори
Кризата ескалира. Надежите дека Мирек Тополанек ќе остане на власт до крајот на чешкото претседателство со ЕУ пропаднаа. Претседателот Вацлав Клаус постави невозможни услови за формирање нова владина коалиција.
За прв пат по паѓањето на неговата влада, премиерот Мирек Тополанек отворено го нападна претседателот на државата и негов политички ривал, Вацлав Клаус. За соборувањето на неговата влада е одговорен Клаус и двајца пратеници од редовите на владејачката граѓанска партија на Тополанек. Соодветно на ваквите јавни обвинувања студена беше и атмосферата на прес-конференцијата, што двајцата државници ја одржаа во Прага. Претседателот Клаус ја прифати оставката на Тополанек и притоа нагласи дека се залага за што е можно поскорешно создавање нова влада. Клаус не и’ го даде мандатот за создавање нова владина коалиција на ниедна партија, туку само постави услови што задачата ја прават речиси невозможна.
„Прво, мора да најдеме брзо решение“, рече Клаус. „Второ, нема да прифатам никакво провизорно решение до крајот на чешкото претседателство со ЕУ или пак до предвремени избори. Трето, новата влада мора да има јасно мнозинство во парламентот. Ако премиерот Тополанек или некој друг е во состојба да собере потписи од 101 пратеник, тогаш нему ќе му го доделам мандатот за формирање нова влада“, нагласи претседателот на државата Вацлав Клаус.
Тополанек: „Не гледам друго решение“
Толку гласови во сегашниот состав на чешкиот парламент не може да собере никој. На сите партии би им била неопходна поддршката на комунистите, со кои меѓутоа никој не сака да коалицира. Затоа премиерот Тополанек, кој за сега останува да ја врши должноста премиер до наоѓањето ново решение, не гледа никаков друг излез, освен свикување предвремени избори: „Додека да дојде до смена на власта секако дека ќе сториме се’ што е во наша моќ за да ја зачуваме стабилноста и ќе ги извршиме сите должности како на внатрешен, така и на надворешен политички план. И јас се залагам за брзо решение, но морам да нагласам дека не гледам друг излез од сегашната мат позиција, освен свикување нови избори.“
Клаус намерно го минира чешкото претседателство со ЕУ?
Со овие изјави на двајцата клучни играчи на чешката политичка сцена дефинитивно се урнати надежите дека досегашниот премиер Тополанек би можел да остане на власт до крајот на јуни, кога истекува чешкото претседателство со ЕУ. За Унијата тоа значи дека ќе мора наскоро да се снаоѓа со потполно нов чешки премиер, кој нема искуство со водењето на европските активности. Таквото сценарио е најлошо, сметаат повеќето чешки ескперти. Тие исто така оценуваат дека претседателот Вацлав Клаус намерно го предизвикал целиот политички земјотрес во земјата за да го минира чешкото претседателство со ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.