Свет
Меѓусебни престрелки на Талибанците за нов лидер на Исламабад
Талибански групи утрово почнале меѓусебни вооружени напади за тоа кој ќе го наследи лидерот на пакистанските талибанци Бејтула Мехсуд, за кој Исламабад тврди дека е убиен при американски воздушен напад, јавуваат пакистанските власти.
Како што соопштува пакистанскиот министер за внатрешни работи Раман Малик, до судрите дошло за време на синоќешното заседание на талибанскиот Совет во областа Вазиристан, меѓу приврзаници на командантите Хакимула и Валиур Рехман, кои важат за главни претенденти за наследник на Мехсуд.„Добивме инфорамција дека едниот од нив е убиен при судирите. Таа информација треба да ја провериме, но засега немаме доволно докази за тоа“, изјавил Малик. Претставник на палестанскиите безбедносни сили, пак, соопшти дека има информации дека при престрелките се повредени неколку лица, но дека нема сознанија за убиени.Од друга страна, талибанциите негираат дека Мехсуд е мртов, како и дека дошло до некакви фракциски судири меѓу нив. Командантот Хакимула вчера за еден западен медиуми изјави дека Мехсуд е жив. Командантот Нур Сајед, пак, денеска негираше дека дошло до судири за време на заседанието на Советот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.