Свет
Лоби-групи се обидуваат да го турнат тендерот за пасоши
Комисијата за јавни набавки ги отфрла обвинувањата за несоодветен избор на фирма за изработка на новите документи
Комисијата за јавни набавки ги отфрла обвинувањата за несоодветен избор на фирма за изработка на новите документи
Лоби-групи пласираат дезинформации, повикувајќи се на експерти кои не постојат, обидувајќи се да турнат еден чист законски тендер, велат во МВР
ДАНИЕЛА ТРПЧЕВСКА
Македонскиот пасош ќе содржи поликарбонат, кој тешко се раслојува. Патната исправа ќе биде речиси невозможно да се фалсификува, бидејќи во неа ќе биде инкорпориран највисокиот степен на заштита на три нивоа. МВР ќе набави нови машини кои ќе бидат оспособени да ги персонализираат документите со техника на ласерско гравирање. Машините за персонализација ќе бидат лоцирани во МВР и ќе биде од централизирана природа. Станува збор за комплетно нова опрема, а не за онаа која веќе ја одбил нашиот северен сосед Србија. Ова се појаснувањата од страна на МВР, кое вчера ги отфрли "шпекулациите и дезинформациите во јавноста", истакнувајќи дека се врши притисок врз Второстепената владина комисија која одлучува за жалбите на фирмите "Институто полиграфико", "Сименс бизнис-сервисис" и "Франсоа шарл обертур". Комисијата за јавни набавки пред два месеца 4одлучи новите документи да ги изработува германската фирма "Гисеке и Девриент", за цена од 23.400.000 евра. "Ова не е тендер за чорапи, ова е тендер за иднината на Македонија", рече портпаролот на МВР, Горан Павловски, потсетувајќи дека од новите патни исправи зависи и укинувањето на визниот режим за земјава. Според него, "лоби-групи намерно пласираат дезинформации, повикувајќи се на експерти што не постојат, обидувајќи се да турнат еден чист законски тендер". Во однос на информациите во јавноста за "одредени проценти или провизии" замени за дилот за пасошите, од МВР велат дека станува збор за забуна или за незнаење. "Сите понудувачи согласно со стандардите на Светска банка беа должни да ги декларираат во понудата нивните консултантски фирми кои им ја подготвиле тендерската документација и понудата, сумата и целта на провизијата. Провизијата е деловен однос меѓу понудувачот и консултантот и таа претставува трошок на понудувачот, а не на МВР, ниту, пак, е на товар на граѓаните", вели Живко Темелковски, претседател на Комисијата за јавни набавки. Тој информираше дека "ГиД" не е единствената фирма која набавила консултанти. Едно од поактуелните прашања во минатиот период беше дали составниот дел на пасошката книшка е поликарбонат или не. Од МВР се категорични дека станува збор за поликарбонат, што е потврдено со направените тестирања со помош на софистицирана опрема во земјава и во странство. Поликарбонатната страна, вели експертот Емилио Фришчиќ, не може да се раслојува, туку може да дојде само до целосно уништување на пасошот поради кршливоста на поликарбонатот. Поради тоа, практично ќе биде невозможно да се фалсификува македонскиот пасош, во кој ќе биде инкорпориран највисок степен на заштита на три нивоа: видливо со голо око, видливо со базичната опрема на граничните премини и невидливо ниво. Германската фирма што го доби тендерот за пасоши нуди чипот да биде вграден во поликарбонатот, што е најтешко и најбезбедно решение, велат во МВР. Македонија има современа опрема со која ќе може да го провери квалитетот на чипот, кој е од марката "Филипс", има 72 килобајта и ги има сите потребни сертификати. "Речиси сите фирми го понудија истиот чип. Тој е тестиран и докажан во практиката, велат во МВР, укажувајќи дека тој ги надминува барањата од европските акредитациски тела во однос на капацитетот на меморијата и можноста за надградување со биометриски обележја. Тој е застапен речиси во сите европски земји што поседуваат или претендираат да воведат електронски пасош. Во однос на гаранцијата за одржување на опремата, Комисијата информира дека сите фирми понудиле тригодишна гаранција, а постпродажниот сервис е десет години.
Понудата на германската фирма "Ги Д" го покрива сервисот во период од десет години, велат во МВР. Прашани во врска со разликата во техничките понуди на германската фирма "ГиД" и на "Хјулид и пакард", која го доби првиот тендер што беше поништен потоа, од МВР велат дека е речиси идентична. Разликата, објаснуваат тие, е само во делот на бесконтактната технологија, која не била поставена како услов во техничката спецификација на првиот тендер. Сите фирми ја содржат бесконтактната технологија, со што во меморијата на чипот ќе бидат вградени биометриски обележја: фотографијата, алфанумеричките податоци, машинско читливата зона, но чипот ќе содржи и отпечатоци од прстите. Македонските граѓани ќе добијат пасоши по европски стандарди, велат во МВР, објаснувајќи дека увидот кај странските фирми на самото место не е направен, бидејќи не било задолжително тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се опрости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се опрости од него.
“Те сакам брат. Ова боли“, напиша Џастин Бибер, пренесува гореспоменатиот медиум.
Свет
Хамас повика на ескалација на сите фронтови
Портпаролот на вооруженото крило на Хамас, Бригада ал-Касам, повика на ескалација на сите фронтови во телевизискиот говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.
Во видеото објавено од Ал Џезира, Абу Убаида го пофали нападот на Иран врз Израел на 13 април, велејќи дека директните напади со беспилотни летала и ракети „поставуваат нови правила, повлекоа важни паралели и ги збунија непријателот и оние што стојат зад него“.
Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“.
„Го повикуваме јорданскиот народ да ги засили своите акции и да го крене својот глас“, рече тој.
Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Појасот Газа и да ја укине блокадата.
Во меѓувреме, Израел ги засили нападите низ Појасот Газа во вторникот, рекоа жителите, додавајќи дека тоа е едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“.
Во соопштението за платформата X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области.
Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите.
Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови.