Европа
Полска: Нема да прифатиме бегалци, не сакаме да ни случи Лондон
Полската премиерка Беата Шидло изјавила дека нејзината земја „нема да подлежи на уцените од Европската унија за прифаќање на бегалци од Блискиот Исток и Африка“, пренесуваат полските медиуми.
Според Шидло, Полска „не сака да се и случат како напади како оние во Лондон“. Полската премиерка за телевизијата TVN24 изјавила дека ЕУ мора конечно да увиди дека не е возможно бранот на мигрантите да не се поврза со случувањата во Европа.
„Полска нема да подлегне на уцените. Време е Европа да извлече порака од тоа што се случува. Земјите на ЕУ не прифаќаат да примат бегалци. Се реализираат само 10 проценти од сегашната миграциска политика. Секогаш се обидуваме да одиме во погрешниот правец, мора да најдеме поинакви решенија за проблемот на миграцијата“, рекла таа.
Шидло истакнала дека точно е оти секој бегалец не е терорист, но предупредила дека Европа не е во состојба да води безбедна политика на имиграција.
Претходната полска влада се обврза дека земјата ќе прими околу седум илјади бегалци во рамките на националните квоти од механизмот за прераспределба на бегалците кои пристигнаа во Европа, а таквата квота може да се повтори уште еднаш, што значи релокација на максимум 14 илјади бегалци.
Владата на премиерката Шидло најпрво тврдеше дека Полска ќе ги почитува овие меѓународни обврски, иако е против нив, но минатата година го сопре приемот на бегалци од Блискиот Исток и Африк, со објаснување дека може да ги прими само оние кои нема да претставуваат опасност по безбедноста на Полјаците./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Италија, почувствуван и во Словенија и Хрватска
Европско-медитеранскиот сеизмолошки центар (EMSC) соопшти дека вечерва во 22 часот и 20 минути, северниот дел на Италија е погоден од земјотрес со јачина од 5,0 степени според Рихтеровата скала.
Епицентарот на земјотресот бил на 13 километри од градот Толмецо.
Според првите податоци, земјотресот се случил на длабочина од 10 километри.
Се почувствува и во соседните земји, вклучително и Словенија и дел од Хрватска, пишуваат хрватските медиуми.
Европа
Бројот на жртвите во терористичкиот напад во Москва се искачи на 143
Руското Министерство за вонредни ситуации денеска соопшти дека бројот на загинати во терористичкиот напад на Crocus City Hall во предградието на Москва се искачи на 143.
Како што соопшти претходно денеска Рускиот истражен комитет, веќе се идентификувани телата на 84 жртви. Меѓу нив има пет деца на возраст од девет до 16 години.
Нападот на концертната сала Crocus City Hall во Красногорск кај Москва се случи во петокот вечерта, кога неколку вооружени терористи во маскирни униформи влегоа во објектот и отворија оган врз присутните.
Тие активирале експлозивни направи на повеќе места, што предизвикало пожар, поради што се урнал покривот, а концертната сала целосно изгорела.
Европа
Украинците погодија четири руски бродови во жесток ракетен напад
Во неделата, Украинците ја нападнаа руската Црноморска флота во Севастопол, во окупираниот Крим. Соработник на Форбс дава детална анализа на воениот потфат и последиците за двете страни. Првично беше кажано дека биле погодени два руски брода, но ажурираниот извештај на украинските власти вели дека во нападот биле погодени четири брода – со крстосувачки ракети „Storm Shadow“ или „SCALP-EG“, или можеби со ракети Neptune.
Меѓу оштетените пловни објекти, наводно, има два активни амфибиски брода од класата Ропуча, Јамал и Азов, како и неактивен јуришен десантен брод од истата класа по име Костијантин Олшански, кој Русија го заплени од Украина за време на инвазијата на Крим во 2014 година. Четвртиот оштетен брод е разузнавачкиот „Иван Хурс“, кој преживеа напад од беспилотни летала на украинската морнарица пред 10 месеци.
Иако сателитските снимки на Севастопол се чини дека потврдуваат оштетување на неколку бродови, тие не даваат докази за очигледното потонување на ниту еден од нив. Можно е сите четири брода да бидат поправени.
Сепак, овој напад барем привремено ја намали – за околу 15 проценти – црноморската флота, која пред војната броеше околу десетина десантни бродови. Пред една година, кога рускиот гарнизон во јужна Украина беше значително зависен од поморските комуникациски линии за транспорт на муниција до бригадите и полковите на фронтот, ова ќе беше огромен проблем за Кремљ.
Satellite images of all four project 775 ropucha-class landing ships in Sevastopol.
Near one of the ships, a trace of an impact on the pier is visible. Another ship is being towed into the dry dock. But on the satellite images provided, no significant damage to the ships is… https://t.co/wBcb5yWhJb pic.twitter.com/ThIJI1Fwvj— Special Kherson Cat 🐈🇺🇦 (@bayraktar_1love) March 24, 2024
Сепак, руските инженери неодамна ја завршија новата железничка рута меѓу Ростов во јужна Русија и Мариупол во окупирана јужна Украина, што значи дека повеќе нема потреба од транспорт на опрема по морски пат до руските војници на јужниот фронт. Железниците се релативно лесни за поправка и потешко се запираат од бродовите.
Тоа значи дека нападите врз руските десантни бродови не се толку проблематични за Москва како што беа порано. Меѓутоа, ако треба да изберат дали ќе ги уништат и оштетат руските бродови или не, Украинците природно ќе го претпочитаат првото.
Во две години жестоки борби, Украинците оштетија или потопија (со проектили или експлозивни поморски беспилотни летала) седум активни десантни пловила од класата Ропуча и еден десантен брод од класата Тапир. Уништија и еден крстосувач, подморница, брод за снабдување, неколку патролни чамци и две ракетни корвети, а оштетија и еден шпионски брод. Пред почетокот на војната, Црноморската флота броела околу триесет големи бродови.
Со ова темпо, црноморската флота би можела да стане нефункционална во следните 18 месеци до две години. Пошироката руска морнарица не може да направи многу за да го запре падот на флотата, бидејќи не може да се засили со големи бродови.
Големите бродови кои не можат да се движат по копно или реки мора да влезат во Црното Море преку Босфорот, кој е под контрола на Турција.
Таа земја не дозволува завојуваните страни да го користат преминот во време на војна.