Европа
Утврден идентитетот на напаѓачот во Лондон
Лондонската полиција во четвртокот го објави идентитетот на извршителот на терористичкиот акт во британската престолнина ден претходно, за кој одговорноста ја презема џихадистичката организација Исламска држава.
Напаѓачот е идентификуван како 52-годишниот Калид Масуд, родум од грофовијата Кент.
„Калид Масуд е роден во Кент… Претходно бил прогласуван за виновен за повеќе кривични дела, вклучувајќи и нелегално поседување оружје“, се наведува во писмената изјава на лондонската полиција.
Терористичкиот напад се случи во 14.40 часот по локално време во средата на една од најпопуларните туристички знаменитости на Лондон. Автомобил кој возел по Вестминстерскиот мост се качил на тротоарот косејќи луѓе, дошол до зградата на британскиот парламент, каде што полицијата успеала да го сопре. Потоа возачот со нож прободел еден полицаец, кој подоцна им подлегна на повредите.
Според последните извештаи, во нападот има уште три жртви, а 40 лица се повредени. Самиот терорист бил застрелан од друг полицаец.
Илтрарадикалната џихадистичка организација Исламска држава ја презема одговорноста за нападот во центарот на Лондон. Во соопштението објавено во четвртокот на интернет ресурсот близок на групацијата Amaq News Agency, се наведува дека напаѓачот бил „војник“ на Исламската држава.
Во соопштението се истакнува дека нападот е изведен поради учеството на Велика Британија во воените операции на меѓународната коалиција предводена од САД против џихадистите во Сирија. „Лицето извршувајќи го своето дело одговори на повиците за напади врз државјаните на коалицијата“, се наведува.
Сепак, според експертите, соопштението не укажува дали нападот е директно диригиран или е изведен со помош на споменатата терористичка организација,но посочуваат дека напаѓачот очигледно бил инспириран од идеологијата на Исламската држава.
Претходно британската премиерка Тереза Меј потврди дека напаѓачот е британски државјанин, кој ѝ бил познат на разузнавачката агенција MI5 како осомничено радикализирано лице и претходно била водена истрага против него, која не дала резултати.
„Лицето била периферна фигура. Овој случај е историски, тој не бил дел од актуелната разузнавачка активност“, рече Меј.
Говорејќи во парламентот Меј истакна дека ваквите инциденти нема да ја поколебаат Британија во нејзината решителност да се справи со тероризмот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.