Европа
Фијон реши да ја продолжи претседателската кампања
Иако изложен на силен притисок од десницата кога се обидува да го натера да се повлече, поранешниот француски премиер Франсоа Фијон, во неделата одби да ја повлече кандидатурата од претседателските избори, повторувајќи дека е невин во скандалот со наводното вработување на сопругата којшто ја парализираше неговата кампања.
Претходно во неделата 63-годишниот Франсоа Фијон го откажа учеството во емисија на радиото Europe1, а во Париз во близина на Ајфеловата кула по многу дождливо време одржа посетен собир на своите приврзаници.
Франција, особено конзервативниот и десниот дел од политичкиот спектар, беа во исчекување на неговиот настап на телевизијата France2, очекувајќи дека можеби ќе соопшти оти ги прифатил повиците да се откаже од кандидатурата во полза на 71-годишниот Ален Жипе, поранешен шеф на дипломатијата и исто така премиер, кого убедливо го порази на предизборите на десницата ланскиот ноември.
Во интервјуто за France2 Фијон беше директно прашан дали ќе се повлече. „Одговорот е не. Не гледам причина тоа да го сторам“, рече.
„Мојата кандидатура и натаму ја поддржуваат повеќето гласачи на десницата и центарот, тоа го мислам и тоа го покажав денеска попладнето“, рече Фијон во интервјуто по собирот на кој според процените на AFP се собрале повеќе десетици илјади негови приврзаници.
„Никој денеска не може да ме спречи да бидат кандидат (…) Мојата програма единствена може да овозможи закрепнување на земјата“, истана, додавајќи дека „нее аутистичен“ и дека добро ги согледува тешкотиите во кои се најде.
Околу 260 пратеници му ја ускратија поддршката по анкетите коишто покажуваат дека би можел да испадне веќе во првиот круг на 23-ти април и дека покрај сигурната патничка, според сите анкети, во вториот круг на 7-ми мај, челничката на крајната десница Национален фронт (FN), Марин Лепен, и Емануел Макрон, поранешен министер во владата на сегашниот социјалистички претседател Франсоа Оланд, кој даде оставка и се кандидира како независен кандидат на левиот центар.
Политичкиот комитет на партијата Републиканци, која го кандидираше Фијон, во понеделник навечер треба да се состане за да ја оцени состојбата по скандалот со наводното лажно вработување на неговата сопруга Пенелопа и нивните две деца, поради што конзервативниот кандидат најверојатно ќе биде под судска истрага.
Тројца регионални претседатели на десницата изјавија дека сакаат да се сретнат со Фијон, за да го наведат на „достоинствено повлекување“.
Фијон на митингот во неделата призна дека грешел и повтори пред приврзаниците дека е „чесен човек кој го мина животот служејќи за општото добро“.
Поранешниот шеф на дипломатијата и премиер Ален Жипе до кого многумина бараат да го замени Фијон, прво изјави дека тоа ќе го стори доколку овој се изјасни дека ќе се повлече, а потоа на Twitter објави дека изјава за новинарите ќе даде во понеделник, пренесува Reuters.
Жипе се огласи само неколку минути откако Фијон на телевизијата France2 изјави дека нема да ја повлече кандидатурата и дека кандидатурата на Жише не соодветствува на она што гласачите го рекле дека го сакаат кога го порази партиските предизбори.
„Доколку го сакаа проектот на Ален Жипе, ќе гласаа за Ален Жипе на тие избори“, рече Фијон./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.