Контакт

Daily news

Франција: Меланшон најуверлив во втората тв дебата за претседателските избори

Објавено пред

Во првата во историјата телевизиска дебата за француските претседателски избори на која учествуваа сите единаесет претенденти која се одржа во вторникот доцна ноќта, првичните анкети укажуваат дека најуверлив бил кандидати на левицата Жан-Лук Меланшон, но и натаму голем е процентот на гласачите кои не се одлучиле за ниеден од кандидатите.

dobivaj vesti na viber

Во телевизиската дебата, којашто се одржа на каналите BFMTV и CNews, како и на радиото RMC ноќта кон средата учествуваа единаесетте кандидати: поранешниот премиер Франсоа Фијон, поранешниот министер за образование Беноа Амон, поранешниот министер за економија Емануел Макрон, лидерката на крајната десница Марин Лепен, основачот на новото движење Непокорна Франција, Жан-Лук Меланшон, кандидатот на партијата Исправи се Франција, Николја Дупон-Ењан, кандидатот од крајно левата Работничка борба Натали Арто, лидерот на Новата антикапиталистиличка партија, Филип Путу, основачот на партијата Солидарност и прогрес, Жак Шеминад, пратеникот центрист Жан Ласал и лидерот на Народно-републиканскиот сојуз, Франсоа Аселино.

Атмосферата

Распоредот на настапите на кандидатите беше направен со жрепка. Беше одреден и редоследот на говорниците на отворањето на секоја од дебатите и репликите. За одговорите секој од кандидатите имаше на располагање вкупно 17 минути, иако не се успеа кандидатите да се задржат во овие ограничувања. Така, се покажа дека Лепен зборувала повеќе од 19 минути, а Шеминад само 15.

Минатата телевизиска дебата на којашто учествуваа петте водечки во анкетите кандидати ја постави полемиката дали може кандидатите да користат мобилни телефони, откако се покажа дека Фијон добива извештаи од својот тим буквално во директниот пренос. Овојпат, организаторите забранија кандидатите да ги носат своите паметни телефони на сцената.

Но затоа, пак, беше овозможено тие да донесат „групи за поддршка“, а на придружниците на кандидатите во студиото им беа одредени специјални места. Некои од нив ги донесоа своите заменици и помошници, а поддршката на Лепен ѝ ја даде и нејзината постара сестра Мари-Каролин.

Темите на дебатата

Овојпат дебатата беше фокусирана главно на дискусијата за внатрешната политика на земјата, местото и улогата на Франција во Европската унија и на социјалните прашања. Кандидатите требаше да одговорат на трите главни прашања: Како да се создадат работни места?; Како да се заштитат Французите? и Како ќе го спроведете вашиот социјален модел?

Дискусиите започнаа буквално во првите минути и беа доста живи, но од дофрлувањата на неколку кандидати истовремено беше невозможно да се разберат целосно нивните ветувања. Поради тесните временски рамки, политичарите зборуваа брзо и сликовито, за да добијат во време на избирачите да им пренесат што повеќе информации. Неколкупати водителот на дебатата сериозно се вмеша, за да ги прекине префрлувањата меѓу кандидатите.

Првите два часа до дебата која траеше четири часа беа посветени на прашањата на односите со Европа, исламизмот и имиграцијата.

Безбедносни прашања

Разговорите за надворешната политика беа речиси целосно посветени на улогата на Франција во Европа, додека на меѓународната агенда речиси и не беше обратено внимание.

Сепак, Беноа Амон изрази сочувство со Русија и Сирија, по терористичкиот напад во Санкт Петербург и хемискиот напад во Идлиб. Покрај тоа, Амон порача дека „има намера да се бори заедно со Русија на Владимир Путин и со САД на Доналд Трамп“.

Но не сите негови конкуренти имаа исто однос кон странските партнери. На пример, Франсоа Фијон, кандидатот на конзервативната партија Републиканци, рече дека „со Русија, Кина и САД мора да се зборува отворено“ и, исто така, повика со Москва да се направи сојуз за справување со радикалниот исламизам. Тој инсистираше на победа над тероризмот, спасувањето на Европа, обновувањето на националната гордост и вети дека ќе ги врати редот и безбедноста во земјата.

Од своја страна, лидерот на новото движење Напред, Емануел Макрон, рече дека во борбата со тероризмот неопходно е да се „искорени заканата во нејзините основи“. Неговите методи во оваа борба претпочитаат зајакнување на разузнавачките агенции и продолжување на воените операции во Сирија, Ирак и Мали.

Во разгорот на дебатата за справувањето со тероризмот, челничката на крајната десница Национален фронт, Марин Лепен рече дека Франција станала „универзитет на џихадистите“. Таа повика да се поврати контролата на границите на земјата со цел да се ограничи протокот на мигрантите, меѓу кои често се уфрлуваат терористите, а исто така да се зголеми бројот на полицајците и жандармите на 15.000 припадници. Лепен додаде дека таа е онаа којашто „ќе го врати зборот на народот“ на Франција кој е изложен на „галопирачка несигурност, дива глобализација и исламски тоталитаризам“.

Путу и Аселино, зборувајќи за безбедносните прашања, се согласија дека „Франција треба да го прекине истрајувањето на воено решение и да престане да им продава оружје на диктатурите“, под кои тие ги подразбираат особено Катар и Саудиска Арабија.

Економија

Тема на сериозни спротиставувања меѓу претседателските кандидат беше и иднината на економијата во Франција.

Лепен, којашто одамна се залага за излегување на Франција од еврозоната па и од ЕУ, повторно зборуваше за економскиот протекционизам.

На тоа се спротистави Макрон, велејќи дека предлогот на неговата ривалка да воведе „интелигентен протекционизам“ ќе доведе до намалување на куповната моќ на граѓаните и до економска војна. Тој остро ја нападна Лепен обвинувајќи ја дека „ги повторува лагите, кои порано ги говореше нејзиниот татко“, Жан-Мари Лепен, основачот на Националниот фронт, кој е отстранет од почесното претседателско место во партијата поради антисемитските ставови. Самиот тој се претстави како кандидат кој е подготвен „да преземе силни мерки“ и рече дека има доверба во Франција.

Амон, исто така, реплицираше на говорот на Лепен. „Што би се случило при излегување од ЕУ? Утре нема да постои Европа, а конкуренцијата ќе стане неконтролирана“, рече.

Образецот за претседател

Друга тема на којашто остро се судрија мислењата на кандидатите беше прашањето на „примерниот претседател“. Според Ласал, „веќе децении во земјата не е избран примерен претседател“.

Од своја страна, пак, Путу, се обрати кон двата ривала – Фијон и Лепен, посочувајќи на нивната вмешаност во финансиски скандали со фиктивни вработувања. „За Фијон, колку повеќе се копа, толку повеќе гледаме корупција. И да дополнам, вакви ли луѓе ни зборуваат дека е неопходно да се држи строгоста а самите влечат од буџетот. Што се однесува до Лепен, таа влече од касата на Европа“, рече без стеснување претседателскиот кандидат.

Макрон, кој во последни време е често обвинуван за преминот од јавните служби во приватниот сектор, уште еднаш уверуваше во сопствениот интегритет, чесност и независност. „Ги оставив сите свои обврски за да претставам пред вас. Отсекогаш бев чист и ја сочував својата независност“, рече поранешниот министер за економија во владата на социјалистичкиот претседател на заминување Франсоа Оланд.

Поранешниот француски премиер се осврна на забелешките за таквите аспекти од неговата работа, истакнувајќи дека е под презумпција на невиност. „Никој нема да ме заплаши, ќе избираат Французите“, рече Фијон. Додаде дека „достојниот претседател, според неговото мислење, е оној кој го почитува својот премиер, ги исполнува обврските кон Французите и не им оддава на новинарите воени тајни“.

Лепен рече дека е жртва на „политички прогон“, „Дали ова е полициско сослушување. Мислев дека ова е дебата, но изгледа дека тука се обвинители“, рече кандидатката на Националниот фронт.

На тоа кандидатот на Социјалистичката партија Беноа Амон, ѝ возврати дека „глуми жртва“.

Резултати

По завршувањето на телевизиската дебата институтот Elabe ги објави резултатите од вообичаената анкета за тоа кој од кандидатите оставил најмногу впечаток кај гледачите во текот на соочувањето.

На прво место во овој рејтинг го доби Меланшон со 25 отсто од гласовите на гледачите. Со 4 отсто помалку поддршка зад него е Макрон, а тројката лидери ја заокружува Фијон со 15 отсто поддршка од испитаниците. Лепен добила 11 отсто од гласовите, а Амон 9 проценти.

Од кандидатите кои досега беа речиси незабележителни во претседателската трка, само Дупон-Ењан успеа да надмине 5 отсто, добивајќи поддршка од 6 отсто од испитаниците. Тотален аутсајдер е Шеминад, за кого не гласал ниту еден испитаник.

Во истата анкета испитаниците рекле дека сметаат дека Макрон има најдобра програма за Франција од сите кандидати, додека зад него е Меланшон.

Анкетата била спроведена врз 1.024 телевизиски гледачи на возраст над 18 години, кои ја следеле дебатата. Изборите за претседател на Франција ќе се одржат во два круга, првиот на 23-ти април, а конечниот расплет ќе го даде гласањето на 7-ми мај.

Фаворити во првиот круг се Лепен и Макрон, кои во анкетите добиваат по околу 26 отсто од гласовите, додека Фијон, кој до избувнувањето на аферата кон крајот на јануари важеше како главен фаворит за конечен победник на претседателските избори сега падна на третото место./крај/мф/сн

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија1 час

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија3 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија4 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија5 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ6 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија6 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија6 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија9 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет10 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет10 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија10 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион10 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет10 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет11 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...