Европа
Француската полиција го претресе домот на претседателскиот кандидат Фијон
Во четвртокот е извршен претрес во парискиот дом на кандидатот на француските конзервативци на претседателските избори Франсоа Фијон, кој ќе биде обвинет во афера за фиктивни вработувања и кој изглед станува сé повеќе изолиран откако го критикуваа и неговите приврзаници.
Поранешниот премиер во владата на поранешниот претседател Николас Саркози важеше за фаворит до крајот на јануари кога започна истрагата за неговата наводна злоупотреба на средства на даночните обврзници и објавите на весникот Le Canard Enchaine дека на својата сопруга Пенелопа ѝ исплатил 500.000 евра за работа којашто не ја вршела, обвинувања коишто тој ги отфрли.
Фијон, кој во сабота ќе наполни 63 години, во средата откри дека судот да планира да го стави под официјална истрага, како и дека мора пред судот да се појави до 15-ти март. Процесот го отфрли како „политички атентат“, но истакна дека ќе соработува со надлежните институции.
„Нема да се дадам, нема да се предам, нема да се откажам. Ќе се борам до крајот“, заклучи Фијон.
Но неговиот случај предизвика повеќе истапи во неговата партија Републиканци. Петнаесет конзервативни пратеници побараа да се повлече, а претходните поборници на поранешниот премиер Ален Жипе кој му беше противкадидат на партиските предизбори и кои подоцна му се приклонија, сега го напуштаат. Во четвртокот поранешниот премиер од десниот центар Доминик де Вилпен изјави дека Фијон со тоа што не се повлекува го води својот табор во амбис.
„Базата е цврста“, реагираше во четвртокот Фијон и започна со турнеја по југот на Франција, во надеж дека ќе ја заживее кампањата.
Само секој четврти Французин ја одобрува неговата одлука да остане кандидат, според анкетата објавена во четврток. Анкетите веќе покажуваат дека Фијон најверојатно ќе ги изгуби изборите. За фаворит е прогласен Емануел Макрон, независен кандидатот на левиот центар, а со него во вториот круг ќе се соочи Марин Лепен, челничката на крајно десниот Национален фронт./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.