Европа
ЕУ ја одложи одлуката за новите санкции против Русија поради противење на некои членки
Амбасадорите на земјите членки на Европската унија во средата не успеаја воп средата навечер да донесат одлука за новите санкции против Русија за нејзината наводна улога во украинскиот конфликт, поради противењето на некои земји, и повторно ќе се сретнат во четврток, пренесуваат агенциите повикувајќи се на дипломатски извори.
Според дипломатски извори, Германија заговарала воведување на новите санкции, но неколку други членки на Европската унија не биле наклонети на тоа, својот став оправдувајќи го со тоа дека прекинот на огнот во Украина се почитува, пренесува Reuters.„Некои земји побараа повеќе време. Единството околу ова прашање е апсолутно клучно и стратешки важно“, изјави италијанската министерка за надворешни работи Федерика Могерини, неодамна избрана за нова европска комесарка за надворешна политика и безбедност.Дипломати потврдиле дека земји кои имаат блиски односи со Русија, меѓу кои се и Италија, Австрија и Финска, не биле наклонети да се воведат новите санкции. „Се разбира, знаме дека го свртуваме вниманието врз себе со одлуката да се одложи воведувањето на новите санкции. Суштината е во тоа што сакаме да ѝ дадеме на Русија шанса да го докаже своето настојување да биде чесна и вистински да придонесе за деескализирање на кризата (во Украина). Сакаме (примирјето) да биде стабилно и одржливо во зоната на конфликтот – на теренот“, рекол неименуван дипломатски извор за РИА Новости. Во понеделникот Европската унија ги финализираше проширените секторски санкции против Русија. Притоа, нивното стапување на сила беше одложено за следните неколку дена за да може да се испита исполнувањето на прекинот на огнот и мировниот план во Украина. Можноста за воведување на новите санкции требаше да биде договорена во средата на комитетот на постојаните претставници на земјите членки на ЕУ (Coreper).Као што прецизирал соговорникот на РИА Новости, ЕУ сѐ уште не го објавила воведувањето на санкциите, решавајќи на Русија „да ѝ даде уште малку време“. „Но беше донесена одлука и да воведеме нови ограничувања, доколку увидиме дека не постои вистински позитивен развој на ситуацијата во Украина“, истакнал./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.