Европа
ЕУ воведува нови санкции против Русија
Новите европски санкции против Русија ќе стапат на сила во петок, но можат да бидат ревидирани или суспендирани во зависност од напредокот за спроведување на договорот за прекин на огнот во источна Украина, објави во четвртокот доцна попладнето ЕУ.
Новиот круг санкции е насочен против пет руски државни банки, три големи компании од одбранбениот сектор , проекти за истражување на нафта и 24 поединци.Претседателот на Европскиот совет, Херман ван Ромпуј, изјави дека санкциите би можеле да бидат укинати или прилагодени, додавајќи дека „сеопфатната ревизија на спроведувањето на мировниот план“ ќе се спроведе до крајот на септември. „Во светлината на таа ревизија и доколку ситуацијата на теренот тоа го оправдува“, ЕУ ќе ги разгледа предлозите за измени, суспензија или укинување на низата важечки санкции, сите или на еден дел“, додаде Ромпуј.ЕУ објави дека новите санкции значат дека европските државјани и компании повеќе не смеат да им одобруваат заеми на петте големи руски државни банки. „Финансирањето на долговите на три големи руски одбранбени компании и три големи енергетски компании, исто така, е забрането. Повеќе не смее да се даваат никакви услуги потребни за истражување и производство на нафта експлоатирање на нафтата од шкрилци во Русија“ се вели во соопштението на Европската унија.Меѓутоа, поради сѐ уште големата зависност од рускиот природен гас, Брисел не се одлучи да го санкционира рускиот гасен сектор. Дваесет и четворицата санкционирани поединци на коишто им се забрануваат патувањата во земјите членки на ЕУ и им се замрзнува активата којашто ја имаат во овие држава, „учествуваат во делата против украинската територијална целокупност, вклучително и новото раководство во Донбас, владата во Крим, како и Русите кои донесуваат одлуки и олигарсите“.Санкциите коишто беа по еднонеделното усогласување официјално беа донесени во понеделникот иако беа договорени на 5-ти септември само неколку часа откако во Минск прозападните власти во Киев и проруските бунтовници за прекин на огнот во источна Украина. За мерките амбасадорите на членките на ЕУ не успеваа да се усогласат поради противењето на повеќе земји кои стравуваат дека санкциите ќе го загрозат прекинот на огнот, како и од руски одговор од кој европските земји веќе губат повеќе од 5 милијарди евра поради ембаргото за увоз на земјоделски и прехранбени производи во Русија, а вкупно 9 милијарди, кога ќе се земат предвид и ембаргата за увоз од САД, Канада, Австралија и Норвешка. Портпаролот на руското министерство за надворешни работи, Александар Лукашевич, претходно во четвртокот изјави дека европските санкции се „непријателска“ одлука и дека сигурно ќе следи одговор на Москва. „Нашиот одговор ќе биде сразмерен на штетата коишто тие санкции ќе ѝ ги предизвикаат на нашата економија“, рече. Според извори од Кремљ, ќе се внимава на одговорот да не предизвика оптоварување за руските компании и потрошувачи, а најверојатно ќе опфаќа увоз на возила, особено половни, како и делови од текстилната индустрија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.