Европа
Европарламентарците отворија врата за усвојување на трговскиот договор со Канада
Европскиот парламент во средата отвори пат за примена на договорот за слободна трговија меѓу Европската унија и Канада или познат како Сеопфатниот економски и трговски договор (Comprehensive Economic and Trade Agreement – CETА) следната година, отфрлајќи го предлогот од судот на Европската унија (ECJ) да се побара оцената за неговата легалност.
Гласањето на пратениците во Европскиот парламент се смета и како сигнал дека тие на крајот ќе го поддржат договорот CETA и ќе дозволат негово делумно стапување на сила на почетокот од следната 2017 година.
Предлогот CETA да биде упатена на проценување во судот го поддржаа 89 европски парламентарци, од редовите на Зелените и левичарските политички групи, италијанското движење против естаблишментот Пет ѕвезди, покрај 31 пратени од редовите на социјалдемократите, но на крајот беше отфрлен со 419 наспроти 258 гласови.
Групата пратеници која го изнесе предлогот сакаше судот да процени дали системот на решавање на спорови меѓу инвеститорите и државите предвиден со договорот е во согласност со законите на Европската унија. Пратениците тврдеа дека тоа решение е во спротивност со одредбите дека кон компаниите треба да се однесува исто како и кон обичните граѓани во законите и во работата на националните и судовите на ЕУ.
Судот би можел да пресуди дека со договорот CETA се нарушуваат законите на Европската унија, но и во спротивниот случај тоа би водело кон одложување на имплементацијата на договорот за до две години. Поборниците на договорот истакнуваа дека и правните служби на самиот Европски парламент оцениле дека договорот CETA е во согласност со прописите на ЕУ.
„Нашите правни стручњаци рекоа дека CETA не влијае на нашата правна рамка, на надлежностите на ЕУ или на нашите уставни права, Овој договор дава одговор на нашите прашања во врска со глобализацијата, а притоа не создава проблеми за демократијата“, изјави известувачот на Европскиот парламент, германскиот пратеник Даниел Гаспари од Европската народна партија (EPP).
Системот на решавање на спорови, кој вклучува специјални комисии за одлучување во споровите меѓу државите и странските инвеститори, е во центарот на противењата на трговските договори како CETA. Критичарите тврдат дека овој систем им овозможува на мултинационалните компании да ги диктираат јавните политики, на пример оние во областа на заштитата на природната околина, трудовото, здравственото или потрошувачкото законодавство.
Постојаниот арбитражен суд, кој е предвиден со договорот CETA, ќе има 15 професионални судии коишто ќе ги именуваат Европската унија и Канада. Сите расправи на тој суд ќе бидат јавни и ќе постои можност за жалба. Невладините организации тврдат дека овој систем и натаму им овозможува на мултинационалните компании да ги заобиколуваат домашните национални судови.
Договорот CETA, откако беше договорен во 2014 година, мина сложен пат. Критичарите го гледаат како „малиот TTIP“(Трансантлантското трговско и инвестициско партнерство) планираниот договор меѓу ЕУ и САД, и предизвика масовни протести ширум ЕУ , а на неговото потпишување се спротистави парламентот на франкофонската белгиска покраина Валонија.
Со прифаќањето во Европскиот парламент, CETA ќе може да влезе во привремена примена, што значи дека ќе се отстранат или намалат увозните пречки. Но до потполната примена на договорот, која ќе го вклучува контроверзниот систем на заштита на инвестициите, ќе дојде дури откако ќе го одобрат 4 национални и регионални парламенти во ЕУ/./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.