Европа
Француски суд одобри делумно уривање на кампот во Кале
Француски суд ја одобри во четвртокот планот на владата за делумно уривање на мигрантската дива населба во предградие на Кале, од каде мигрантите се обидуваат да стигнат во Велика Британија, соопшти портпаролот на судот.
„Наредбата е применлива, освен за заедничките општествени површини“, изјави портпаролот на бирото префектот во Па-де-Кале.
Официјалниот рок најмалку илјада мигранти да го напуштат јужниот дел од кампот наречен „Џунгла“ истече во вторникот и властите најавија дека доколку е потребно, ќе применат сила за да ги преселат мигрантите во блиската контејнерска населба и во други центри за прифаќање.
Мигрантите мора да го напуштат јужниот дел од бегалскиот камп до вторник до 20 часот. Оние коишто нема да го сторат тоа, ќе бидат исфрлени со сола за да може да се урнат импровизираните куќи. Инаку станува збор за дел од кампот кој се претвори во своевиден културен центар за големиот број имигранти и бегалци. Таму се наоѓаат продавници и импровизирани училишта и верски објекти.
Локалните власти соопштија дека со оваа наредба би можело да бидат опфатени околу илјада луѓе, но волонтерите кои се ангажирани во кампот тврдат дека во тоа подрачје живеат барем двојно повеќе.
Илјадници имигранти кои бегаат пред судирите и сиромаштијата во Африка и на Блискиот исток, а најмногу ги има од Судан, Сомалија и Еритреја, од минатата година се собраат во големата дива населба крај Кале наречена „Џунгла“, користејќи ја како одморалиште пред да се обидат илегално да стигнат до Велика Британија во надеж дека ќе најдат подобар живот.
Имигрантите се групирани околу влезот на Евротунелот кој го поврзува европскиот континент со Британија и често предизвикуваат негово затворање, обидувајќи се да се прошверцуваат преку него, а во минатото беа забележани и десетина смртни случаи во обидите на очајниците./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.