Европа
Германија: Десет отсто од бегалците ќе завршат во криминал
Германските криминалисти очекуваат дека 10 отсто од бегалците, кои последните месеци во зголемен број доаѓаат во Германија, ќе се судрат со законот, пишува дневниот весник Die Welt во понеделникот.
„Треба да ни е јасно дека не доаѓаат само кардиолози. Масата бегалци се однесува мирољубиво и благодарно, но околу десет отсто ќе станат криминални“, вели претседателот на Сојузот на германските криминалисти (BDK) Андре Шулц за дневниот весник Die Welt.
„Доаѓаат многу млади од ситуација на целосен недостиг од перспектива. И таа ситуација продолжува и овде. Та се фактори коишто водат кон криминално однесување. И некој од оваа група да заврши во криминал е сосема нормално. Истото би се случило и Со Германците доколку се во таква ситуација. Религијата и потеклото не играат никаква улога“, појаснува Шулц.
Тој изразува и разбирање и за граѓаните коишто живеат во близина на големите центри за прифаќање на бегалците во чијашто близина во последно време е забележано зголемување на стапката на криминалот.
„Во тие центри не живеат само бегалци од Сирија, туку и млади луѓе од Балканот, Кавказ, Африка, коишто во своите татковини биле криминалци. Честопати свесно се испраќаат во Германија за тука да се занимаваат со криминал“, истакнува Шулц.
Претседателот на BKA притоа особено ја истакнува групата Грузијци кои во негативна смисла „бодат очи“. „Тие свесно доаѓаат во Германија, бараат азил и тога чекајќи ја одлуката за сместување и надомест, вршат криминални активности по Германија. Ние со сигурност утврдивме најмалку 1.000 вакви случаи“, заклучува Шулц кои изразува и изненадување од фактот дека германските власти се затекнати од големиот број бегалци. „Тоа можеше да се очекува по Арапската пролет во 2011 година“, вели Шулц/
За да што повеќе бегалци со перспектива за подолг престој во Германија може што побрзо социјални и работно да бидат интегрирани, германската влада минатиот месец донесе пакет закони којшто, покрај заострените права за стекнување азил, содржи и мерки за поттикнување на имигрантите низ јазични курсеви и засилени програми на преквалификација./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.