Европа
Исламската држава ја презема одговорноста на нападот во црква во Франција
Екстремната сунитска организација Исламска држава ја презема во вторникот одговорноста за нападот во црквата на северот од Франција, во кој беше убиени 84-годишен свештеник, а уште едно лице е тешко повредено.
Објавата на Исламската држава следеше кусо по нападот преку новинската агенција Amаq којашто се смета за блиска до оваа џихадистичка групација, и во неа се наведува дека двајцата напаѓачи биле нејзини „војници“.
Нападот, се додава, бил одговор на повиците на терористичката организација да ги напаѓаат државите кои учествуваат во меѓународната коалиција предводена од САД која „води војна против Исламската држава“ во Сирија и во Ирак.
„Соочени сме со Исламската држава, којашто ни прогласи војна. Мораме да ја водиме оваа војна со сите средства, почитувајќи ги правата по коишто сме демократија. Терористите сакаат да нé разделат“, изјави францускиот претседател Франсоа Оланд.
Најави дека во вторникот вечер ќе се сретне со надбискупот на Нормандија, по што ќе има средба со челниците на сите конфесии во земјата. „Нападнати се сите Французи. Затоа мораме да останеме единствени, заедно, во заедништво кое никој нема да може да го разбие“, порача Оланд.
Нападот се одигра јужно од градот Руан, во црквата Сен-Етјен-ду-Рувре“. На свештеникот Жак Амел, ракоположен за свештеник уште во 1958 година, му беше пресечен гркланот, а уште еден заложник е во критична состојба,. Напаѓачите беа убиени од полицијата.
Еден од напаѓачите наводно од претходно ѝ бил познат на полицијата. Се обидел да замине во Сирија во 2015 година и враќето во Турција бил уапсен поради сомневање дека е поврзан со терористичка мрежа. Пуштен бил со електричен надзор, живеел со родителите и имал право да ги напушта домот од 8.30 до 12.30 часот, изјавил за AFP извор близок на истрагата. /крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.
Европа
Лавров: Украинскиот план е бесмислен, вклучува повлекување на нашата армија од освоените територии
Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на неприфатливи идеи како што е повлекувањето на Москва од териториите што ги окупирала.
Во интервју за московскиот весник „Известија“, Лавров рече дека мировниот самит предложен од Украина нема да успее додека не се променат неговите основни постулати, вклучително и тоа дека на него треба да биде дозволено учество на Русија.
„Во секој случај, ние сме подготвени да разговараме, но не врз основа на „мирната формула“ на Зеленски“, рече Лавров.
Тој, исто така, се прашуваше како некој сериозен политичар во Вашингтон, Брисел, Лондон, Париз или Берлин „може да каже дека нема алтернатива за формулата на Зеленски“.
Лавров ги отфрли како неприфатливи одредбите од украинскиот мировен план, со кои, меѓу другото, се бара Русија да се повлече од териториите што ги окупираше, вклучувајќи го и Крим, анектиран во 2014 година.
Украинскиот претседател Володимир Зеленски отфрла каква било помисла за преговори со Москва на која било основа освен мировен план, забележува Ројтерс.
Лавров рече дека се сретнал со официјални претставници и дипломати од Швајцарија кои го увериле дека мировниот самит, на кој Берн се согласи да биде домаќин, ќе ја вклучи Русија и ќе се одржи под „реални услови“.
„Ние разбираме дека ништо не може да се реши без вас, тоа е неправедно“, ги цитира Лавров зборовите на швајцарските претставници.