Европа
Камерон исклучи нов референдум, Британија сама ќе одлучува за излегувањето
Британскиот премиер Дејвид Камерон изјави во понеделникот дека одлуката на британските избирачи за излегување од Европската унија ора да се почитува и оти „Британија сама“ одлучува за тоа кога ќе го покрене процесот за излегување со активирањето на членот 50 од Лисабонскиот договор, и притоа ја исклучи можноста од одржување на спроведување повторен референдум за Brexit и покрај петицијата кој доби веќе над 3,5 милиони потписи.
Според портпаролот на британскиот премиер Дејвид Камерон, спроведување на уште референдум „не е вклучено во краткорочните планови“, одговарајќи на продолжените повици владата да одржи уште еден референдум за членството во ЕУ, пренесува интернет весникот The Independent.
„Нема дилеми околу резултатот…. Владата утрово се согласи дека таа одлука мора да биде прифатена. Британската влада нема да го активира членот 50 во оваа фаза… тоа е наша суверена одлука и неа Британија ќе ја донесе самата“, истакна Камерот во парламентот.
Според членот 50 од Либанскиот договор, земјата која ќе се реши да ја напушти ЕУ е должна официјално да ги извести другите членки и пота почнува да тече двегодишниот период за преговорите. Меѓутоа, договорот не вели ништи кога таа земја мора да го испрати официјалното известување.
Германската канцеларка Ангела Меркел изјави претходно во понеделникот дека не сака да врши притисок врз Велика Британија да го забави или да го забрза излегувањето од Европската унија, но јасно истакна дека расправата за Brexit не може да почне додека Лондон официјално не го побара излегувањето.
Додаде и дека има разбирање за тоа оти на Британија ѝ е потребно време за да ја анализира својата ситуација, како и дека за тоа ќе разговара со Камерон на самитот на ЕУ во вторник во Брисел.
Камерон во британскиот парламент рече дека не би требало да има обиди да се блокира излегувањето на Британија вод ЕУ, како што најави меѓу другите шкотската премиерка Никол Старџен, бидејќи во Шкотска избирачите со голема разлика се одлучија за останување во Унијата.
Портпаролот на Шкотската национална партија (SNP), владејачка во оваа британска покраина, го предупреди Камерон дека неговата партија нема намера да гледа како Шкотска се извлекува од ЕУ против нејзината волја.
„Иако напуштањето на ЕУ не е патот што го препорачав, јас сум првиот кој ќе ја фали нашата неверојатна сила како земја. Додека го започнуваме спроведувањето на оваа одлука соочени сме со предизвици коишто таа несомнено ќе ја донесат, сметам дека траба цврсто треба да се држиме до визијата за Британија која сака да биде ценета во странство, толерантна дома, ангажирана во светот“, рече Камерон пред пратениците, пренесува Reuters.
Греам Бреди, челник на Комитетот 1922, тело на конзервативните пратеници во парламентот кое има важна улога во изборот на новиот партиски челник, изјави дека Комитетот препорачал постапката на избор на новиот челник на Конзервативната партија да почне следната седмица и да заврши најдоцна на 2-ри септември, Таа препорака речиси сигурно ќе биде прифатена.
„И конзервативците и земјата навистина сакаат сигурност… Ние мислиме дека би било добро да го заклучиме овој процес што е побрзо можно“ изјави Бреди за Sky News.
Рече, исто така, дека не би требало да се одржат нови парламентарни избори пред Британија да ги договори условите за излегување од Европската унија.
Сега погледите се вперени во поранешниот лондонски градоначалник Борис Џонсон, најистакнатиот поборник на излегувањето од ЕУ и фаворит за нов премиер. Меѓутоа, не го поддржуваат сите членови на партијата и многу велат „кој и да е само не Борис“, сметајќи ја неговата одлука да ја поддржи кампањата за излегување како предавство на својот поранешен сојузник Камерон, се наведува во медиумските извештаи.
Портпаролот на Камерон изјави дека премиерот нема да поддржи ниеден кандидат за претседател на владата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.