Европа
Камерон сака референдум за ЕУ во јуни 2016, смета дека Британија може да опстои без ЕУ
Британскиот премиер Дејвид Камерон го поддржува одржувањето на референдумот за членството на Велика Британија во Европската унија во јуни 2016 година, година ипол пред терминот која го најави – крајот на 2017-та, доколку челниците на другите држави членки ги прифатат неговите предлози за реформи на самитот кој ќе се одржи во декември годинава, објави во понеделникот The Times, кога Камерон изјави и дека неговата земја може да опстојува и надвор од Унија, доколку излезе од неа.
Кабинетот на британскиот премиер Дејвид Камерон објави дека британската влада сé уште не донела одлука за датумот на кој би се одржал референдумот за членството во Европската унија. Како што изјави премиерот, времето за одржување на референдумот ќе го одреди исходот на преговорите, во рамките на рокот одреден до крајот на 2017 година.
Камерон во вторникот би требало да го објави писмото упатено до претседателот на Европскиот совет Доналд Туск со своите реформски предлози. Исто така, во него треба да предупреди на можното излегување на земјата од Европската унија.
Повикувајќи се на функционери, The Times наведува дека на европската партнери им е кажано, доколку декемврискиот самите на ЕУ мине добро, Камерон попрво би го одржал референдумот во јуни 2016 година.
Испитувањата на јавното мнение, пак, покажуваат дека мнозинството Британци сакаат да останат во ЕУ, иако разликата меѓу нив и оние коишто сакаат излегување на земјата од Унијата последните месеци се намалила, во голем дел и поради европската миграциска криза.
Истовремено во понеделникот премиерот Дејвид Камерон изјави дека Велика Британија може да егзистира и надвор од Европската унија, доколку се реши да излезе неа.
„Некои луѓе се сомневаат во тоа дали земјата може да егзистира и да преживее надвор од ЕУ,. Се разбира дека може. Велика Британија е петтата светска економија со неверојатно силен финансиски сектор“, беше убедлив Камерон во својот настап на форумот на Конфедерацијата на британската индустрија (CBI The Voice of Business).
Според британскиот премиер, процесот на почеток на темелната ревизија на договорот со ЕУ во однос на барањата на Лондон ќе започне со писмото коешто ќе му го испрати на претседателот на Европскиот совет, Доналд Туск, како што најави, во вторник.
„Не сум задоволен од сегашната ситуација во Европа. Точките, коишто сакам да ги истакнам, се засноваат на тоа дека доколку ја направиме Европа поконкурентна, без разлика на тоа дали ние ќе бидеме надвор ‘во потесен сојуз’, без разлика дали ќе се донесат почесни правила за земјите, коишто не се членки на еврозоната, дали ќе се намалат притисоците кон нас во врска со прашањето за миграцијата. Тоа се најважните промени, чиешто реализирање за нас е од витално значење. Доколку тоа можам да го издејствувам, ќе ме видите меѓу оние кои решително се залагаат за зачувување на членството на Велика Британија во реформираната ЕУ. И, како што веќе зборував претходно, доколку ништо не постигнам, ништо не исклучувам. На Европа ѝ се неопходни реформи, тоа е сериозен предизвик за нашата земја“, изјави Камерон.
„Нашиот просперитет и националната безбедност претставуваат приоритет во водењето на преговорите. Се надевам дека британскиот бизнис ќе ме поддржи“, дополни британскиот премиер.
Британските медиуми пишуваат дека Камерон ќе го објави писмото до претседателот на Европскиот совет, а ќе одржи и говор, во кој ќе ги претстави главните реформи на ЕУ, коишто, според него, се неопходни Лондон. Особено ќе инсистира на воведувањето на четиригодишна забрана имигрантите да добиваат социјална помош, заштитни мерки за земјите надвор од еврозаната, продолжување на политиката на ‘уште потесен сојуз’, како и на проширувањето на овластувањата на националните парламенти, со можноста да се блокира носење на закони во ЕУ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.