Европа
Лавров: Многумина во Киев сакаат мировниот договор да пропадне
Русија стравува дека многумина во Киев, но некои и надвор од Украина, сакаат мировниот договор за истокот на земјата да пропадне, изјави Сергеј Лавров, рускиот министер за надворешни работи.
Лавров ги повика набљудувачите на Организацијата за безбедност и соработка во Европа (ОБСЕ) да вршат надзор врз повлекувањето на тешкото вооружување во источна Украина во согласност со мировниот договор постигнат во белоруската престолнина Минск на 12-ти февруари, по маратонските 16-часовни преговори меѓу челниците на Украина, Русија, Франција и Германија.
Рускојазичните бунтовници од пред два дена тврдат дека започнале со повлекувањето на тешкото вооружување од позициите на боиштето, меѓутоа Киев е упорен дека украинските сили тоа нема да го сторат додека, според украинските власти, не престанат судирите, како и дека бунтовниците го користеле примирјето за да продолжат со военото напредување.
„Многу нешта во овој момент зависат од искрениот, објективен и непристрасен пристап на набљудувачите кон целата оваа работа. Тие мораат да забележат што се случува на теренот за заедно да успееме да им се спротиставиме на обидите договорот од Минск да биде прикажан како нешто што веќе пропаднало“, изјави шефот на руската дипломатија Сергеј Лавров во текот на разговорите со претседателот на францускиот Сенат, Жерар Ларше.
„Многумина надвор во Украина, и во Киев, сакаат ова да тргне во друга насока“, истакна Лавров.
Додаде и дека Москва се надева оти Украина „одговорно ќе се однесува“ кон своите обврски во процесот на децентрализацијата на власта во земјата, што е, исто така, една од одредбите на договорот од Минск.
„Во Минск челниците на Франција и на Германија го претставија свето гледиште за она што треба да вклучува концептот на ’децентрализацијата’. Под овие услови се потпишаа сите страни, вклучително и претставниците на Украина. Се надеваме дека тие ќе реагираат одговорно на оваа обврска, меѓу другите обврски коишто ги преземаа врз себе“, рече уште Минск./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои, освен германско, имаат и руско државјанство, се уапсени во Германија поради наводно планирање саботирање воени објекти, вклучително и американски, со цел да ја поткопаат воената поддршка за Украина, соопшти денеска германското Обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на Обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“, во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.