Европа
Минхен: Во трговскиот центар најдени девет тела, приврзаниците на IS слават
Девет тела на убиени се најдени во трговскиот центар „Олимпија“ во северозападниот дел од Минхен, меѓу кои можеби е и еден од напаѓачите, соопшти полицијата на баварската престолнина, пренесуваат агенциите.
Претходно беа потврдени шест жртви. Полицијата уште не го квалификува нападот во Минхен како терористички чин.
„Морам да соопштам дека бројот на загинатите се зголеми на осум… Во близина на трговскиот центар најдовме тело на загинат маж. Судејќи според сé, неговата смрт била насилна. Во моментов проверуваме дали тој има поврзаност со она што се случи на тоа мести… Морам да потврдам дека бројот на загинатите е осум“, изјавил за новинарите портпаролот на полицијата на Минхен, пренесува агенцијата РИА.
Засега полицијата вели дека нема знаци на поврзаност со „исламскиот тероризам“, но во медиумите се појавија информации дека можеби зад нападот стојат ултрадесничарски елементи, бидејќи наводно еден од напаѓачите на чист германски јазик викал „Јас сум Германец“.
Во меѓувреме приврзаниците на сунитската терористичка мрежа Исламска држава (IS) слават на социјалните мрежи за настаните во Минхен.
„Фала му на Бога, Бог нема им донесе напредок на нашите луѓе од Исламската држава“, се наведува во една од пораките на профил наклонет на џихадистите, пренесува Reuters.
„Исламската држава се шири во Европа“, стои во пораката на друг профил кој ја поддржува Исламската држава.
Според првичните сознанија, во нападот имало тројца мажи вооружени со јуришни пушки. Полицијата објави дека две лица уште се на слободат и оти трага по нив.
Во Минхен од петокот вечерта се спроведува специјална операција со силни полициски единици, а градот го надлетуваат хеликоптери. Жителите и странците се повикани да останат во своите домови или на безбедно на местата на кои се нашле додека градскиот транспорт повторно не биде воспоставен.
„Сведоците соопштија дека еден маж се застрелал самиот. Има ранети, можно е и да има повеќе загинати“, рекле полициски извори.
Станува збор за трет голем напад врз цивили во западна Европа во осум дена. За претходните напади во Франција и во Германија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.