Европа
Песков: Ердоган се обиде да му се јави на Путин 7/8 часа по инцидентот
Турскиот претседател Реџеп Тајип Ердоган се обидел да му се јави на рускиот претседател Владимир Путин седум до осум часа по соборувањето на рускиот авион „Су-24М“ во вторникот, изјави во петокот портпаролот на Кремљ, Дмитриј Песков.
„Да, тоа се случи некаде седум до осум часа по инцидентот, не пред тоа“, рекол портпаролот на рускиот претседател, пренесува агенцијата ТАСС.
Според него, „за ова барање, беше известен претседателот“. Песков одбил да одговори попрецизно поради што не бил прифатен повикот на турскиот претседател, додавајќи „Тоа е сé што можам да ви кажам“.
Песков, сепак, потврдил дека немало разговор меѓу двајцата челници по соборувањето на рускиот борбен авион за кој Анкара тврди дека го нарушил турскиот воздушен простор, а Москва дека е соборен над територијата на Сирија.
„Можам само да кажам дека контакт на високо ниво немаше“, вели портпаролот на Кремљ.
На прашањето какви се изгледите во моментов за дијалог со Турција, Песков за новинарите истакнал дека „во моментов не гледа таква можност“. Исто така, рекол дека средба меѓу претседателите на Русија и Турција на климатскиот самит во Париз на 30-ти ноември во моментов не е планирана.
Путин, додал неговиот портпарол, бил известен за барањето за средба со Ердоган. „Никакви одделни средби во Париз не се преговарале и не се дискутирани. И не располагам во овој момент со информации за планирани телефонски разговори“ на двајцата претседатели, рекол Песков.
Претходно Песков најави дека не се подготвува одделна средба меѓу Путин и американскиот претседател Барак Обама, но дека средба меѓу двајцата лидери на маргините од парискиот климатски самите не е исклучена, но оти доколку биде оценето дека таква средба е потребна можно е да се случи во кој и да е формат./крај/мф/сн
Извор: TACC
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.