Европа
Потврдена уверливата победа на партијата Путин
Партијата Единствена Русија на претседателот Владимир Путин надмоќно победи на неделните парламентарни избори која ѝ овозможува создавање двотретинско или уставно мнозинство, покажуваат првите официјални резултати објавени во понеделникот, меѓутоа нискиот одѕив од околу 48 отсто од гласачите се толкува како слабеење на ентузијазмот кај владејачката партија, заситеноста на гласачите и апатија поради преслабата опозиција.
Изборите според новиот изборен систем за Државната Дума, долниот дом на рускиот парламент, во кој првпат од 450-те мандати пратениците се избираа половина на партиски листи а половината непосредно, минаа без проблеми во нарушувањето на гласањето и ја потврдија доминацијата на владејачката Единствена Русија и покрај тоа што земјата се соочува со најдолгата рецесија од појавата на политичката сцена на Владимир Путин. Според политичките аналитичари, тоа најверојатно се должи на разбирањето дека влошената економска состојба е предизвикана од надворешни фактори.
„Веќе можеме да објавиме со сигурност дека партијата обезбеди добар резултат. Ситуацијата е тешка, но луѓето и натаму гласаат за Единствена Русија“, изјави Путин по завршувањето на гласањето на државната телевизија.
Според резултатите по обработка на 93 отсто од избирачкиот материјал, Единствена Русија освоила 54,28 отсто од гласовите со што обезбедува 338 мандати во Думата. Според прелиминарните резултати, во Државната Дума ќе влезат вкупно шест партии, покрај досегашните четири парламентарни и партиите Родина и Граѓанска платформа.
Од досега присутните партии во Думата, Комунистичката партија на РФ (КПРФ) го освоила второто место со 13,45 отсто од гласовите, додека десно ориентираната Либерално-демократска партија на Русија (ЛДПР) е трета со 13,24 отсто, а Справедлива Русија освоила 6,17 отсто од гласовите. Другите партии не го минуваат петпроцентниот изборен праг, кој во настојувањата за демократизацијата на општеството беше за овие избори симнат од 7 отсто.
Покрај тоа Единствена Русија води и на изборите кои даваат по еден пратеник, и тоа во 203 окрузи, Справедлива Русија и КПРФ водат во седум, ЛДПР води во пет, а Родина и Граѓанска платформа водат во еден изборен округ, а во еден округ води и еден независен кандидат.
Премиерот Дмитриј Медведев изјави уверен дека неговата партија ќе освои „апсолутно мнозинство во Думата. Но иако вкупниот број освоени гласови за Единствена Русија ги надминува оној од 49 отсто на изборите во 2011 година, се забележува дека одѕивот бил слаб, особено во големите градови Москва и Санкт Петербург. Имено гласале 47,8 отсто од избирачите наспроти 60 проценти пред пет години.
Изборите минаа во период кога поддршката за претседателот Владимир Путин е 78 отсто, и се смета дека тој без проблеми уверливо би победил и на претседателските избори во 2018 година.
Резултатите, исто така, покажуваат дека таканаречените либералните опозициски групи кои се симпатизирани на Западот не освоија доволно поддршка за влез во парламентот, ниту партијата Јаблоко, ниту партијата Парнас којашто ја води поранешниот премиер Михаул Касајнов, кои дури забележаа и поразителни резултати, кои освоија под 2 отсто, дури помалку и од партијата Комунисти на Русија. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.