Контакт

Европа

Повеќе од 3,7 милиони луѓе на поворките против тероризмот во Франција

Објавено пред

Повеќе од 3,7 милиони луѓе во неделата земаа учество во поворките против тероризмот во знак на сеќавање на 17-те жртви од терористичките напади изминатата седмица во Париз и во одбраната на демократските вредности и слободата на изразувањето, а на повик на претседател Франсоа Оланд во француската престолнина во поворката, според организаторите, учествувале повеќе од 1,5 милиони луѓе.

dobivaj vesti na viber

Француското министерство за внатрешни работи неделната манифестација ја нарече „без преседан“ воопшто во историјата на земја. Според, властите најмалку 3,7 милиони луѓе низ целата земја излегле на улицата во знак на солидарноста со жртвите на терористите.

Жителите на ниеден град во Франција во неделата не останаа рамнодушни на трагедијата, истакнуваат тамошните медиуми. Најголемата поворка се одржа во Лион, третиот по големина град во земјата, каде што во чест на убиените во тридневната париска агонија „не“ на тероризмот и радикализмот му рекоа околу 300 илјади луѓе. Во Бордо се проценети 140 илјади учесници, а во Марсеј околу 60 илјади. Во западниот француски град Рен со население малку повеќе од 200 илјади, во поворката земал учество секој втор жител, односно според процените на тамошната полиција околу 115 илјади луѓе.

Трикилометарската маршрута на ткн „републикански марш“ во Париз се протегаше од Плоштадот на Републиката до Плоштадот на Нацијата преку булеварот Волтер, филозофот кој се залагаше за принципот на слободата на говорот преку максимата „Јас не се согласува со неден ваш збор, но готов сум да умрам за вашето право да ги кажете“.

Поворката којашто го започна својот марш во 15 часот ја предводеа роднините на жртвите во терористичките напади кои започнаа во средата со нападот врз редакцијата на сатиричниот неделник Charlie Hebdo, во кој загинаа карикатуристи и полицајци, продолжија во четвртокот со убиство на полицајка и беа завршени во петокот со полициските акции со кои беа завршени заложничките драми во гратчето Демартен-ан-Гоел каде што се криеја браќата Саид и Шариф Каши осомничени за масакрот во редакцијата и ликвидирани, и во кошер супермаркетот во 20-от париски арондисман каде беа убие четворица заложници и напаѓачот Амади (Ахмед) Кулибали.

Маршот во неделата стана израз на француското национално единство. На него земаа учество претседателот Франсоа Оланд, до кого застана неговиот претходник и челник на најголемата опозициска партија Никола Саркози, членови на актуелната влада и поранешни премиери и министри. На манифестацијата земаа учество речиси сите политички партии и граѓански движења во Франција, без оглед на идеолошките ставови и политички убедувања. Челничката на крајната десница Национален фронт, Марин Лепен, која не беше поканета од организаторите на манифестацијата во Париз, владејачките социјалисти, ѝ се приклучи на сенационалната поворка против тероризмот во градот Бокер во јужна Франција, каде што има голем контингент на гласачи на нејзината партија.

Учество во поворката во Париз земаа и десетици политички челници од Европа и светот. Францускиот претседател Франсоа Оланд пред почетокот на манифестацијата во Елисејскиот дворец се сретна со најмалку 56 шефови на држави, влади и меѓународни организации. Една од највпечатливите сцени беше прегратката меѓу претседателот Оланд и германската канцеларка Ангеле Меркел пред стотици камери и објективи на влезот од Елисеј. По кусата средба во Елисејската палата сите со автобус се довезоа до Плоштадот Волтер каде симболички минаа стотина мери на чело на поворката.

Покрај премиерите на Австрија, Белгија, Велика Британија, Германија, Италија, Полска, Шпанија и Шведска и рускиот министер за надворешни работи Сереј Лавров, а САД ги претставуваше државниот обвинител Ерик Холдер кој најави одржување на 18-ти февруари во Вашингтон самит со сојузниците за справувањето со тероризмот, на покана на Оланд на демонстрацијата за поддршка на демократските вредности учествуваа и израелскиот премиер Бенјамин Нетанјаху а на само неколку метри од него и претседателот на Палестинската самоуправа Махмуд Абас.

„Заедно со сите наши сојузници ќе разговараме за мерките што може да се преземат за спротиставување на насилниот екстремизам кој постои во светот“, порача челникот на министерството за правда на САД, Ерик Холдер.

Проблемот на тероризмот и исламскиот екстремизам „не може да се реши за кусо време“, изјави во своето обраќање во Париз, британскиот премиер Дејвид Камерон. „Заканата од тероризмот се појави уште пред многу години, и за нејзиното елиминирање ќе бидат потребни години. Многу важно е сите земји и надлежните власти да го дадат својот придонес во справувањето со овој проблем, во спротивно нема да биде можно да се реши овој проблем. Само заедно можеме да победиме“, порача Камерон.

Британскиот премиер истакна дека веќе во понеделник ќе се сретне со челниците на британските разузнавачки служби уште еднаш да разговараат за „стратегијата за справувањето со тероризмот“ на Островот. „По трагедијата во Франција сите треба да извлечеме поуки, и токму затоа ќе се посветам на консултациите со безбедносните служби“, истакна Камерон.

Како што истакна чешкиот министер за надворешни работи Љубомир Заоралек, терористичката организација Исламска држава повеќе не е далечна реалност за Европејците и стана директна закана за мирот и стабилноста во Европа.

„Ние сме тука да покажеме дека нема да му дозволиме на теророт и стравот да не сопрат“, изјави пред почетокот на маршот италијанскиот премиер Матео Ренци./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Суспендиран рускиот свештеник кој одржа јавна молитва за Навални

Објавено пред

Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.

dobivaj vesti na viber

Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.

Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.

Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.

Навални почина во февруари на 47-годишна возраст во казнена колонија на Арктикот.

Прикажи повеќе...

Европа

Судот во Русија ја одби жалбата на американскиот новинар кој е во затвор поради шпионажа

Објавено пред

Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.

dobivaj vesti na viber

Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.

Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.

Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.

Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.

Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.

Прикажи повеќе...

Европа

Нова корупциска афера во Украина, осомничен министер за земјоделство

Објавено пред

Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.

dobivaj vesti na viber

Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.

„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.

Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.

Солски е првиот министер во владата на претседателот Володимир Зеленски кој е осомничен во корупциски скандал.

Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.

Законодавците изминативе денови порачаа дека очекуваат реконструкција на Владата, секако до крајот на пролетта.

Прикажи повеќе...

Најново

Македонија5 минути

ОЈО: Сите сомненија за кривични дела кои би можеле да го нарушат изборниот процес ќе бидат испитани

Во текот на изборниот ден до затворањето на избирачките места, на електронската адреса на Јавното обвинителство на Република Северна Македонија...

Македонија28 минути

Левицата: Проблеми со фингерпринтот во Куманово, Ѓорче Петров, Аеродром, доцнење на гласачкиот процес и нерегуларности во избирачкиот список

Од Претседателскиот изборен штаб на кандидатот за претседател Билјана Ванковска информираат дека денешниот изборен ден поминal мирно во фер и...

Македонија47 минути

Силјановска: Дојде време, дојде час, да си замине оваа власт

Дојде време, дојде час, да си замине оваа власт, порача кандидатката за претседател, Гордана Силјановска Давкова по гласањето во првиот...

Македонија47 минути

„Нека победи подобриот“ – Таравари рече дека поседува видео снимки за купување на гласови

Кандидатот за претседател, Арбен Таравари, гласаше со своето семејство, пришто порача изборите да бидат фер и демократски. „Нека победи подобриот....

Македонија47 минути

Ванковска: Необично е да гласаш за себе, но со тоа ја изразив убеденоста во она што го говорам

Билјана Ванковска, претседателски кандидат на Левица го оствари своето право на глас на ИМ во ОУ „Јан Амос Коменски“ во...

Македонија48 минути

(Видео) Пендаровски: Држава што преговара со ЕУ не смее да си дозволи лош изборен процес

Кандидатот за претседател, Стево Пендаровски, денеска гласаше на првиот круг од претседателските избори. Во изјава за медиумите Пендаровски истакна дека...

Македонија2 часа

Во Куманово не се гласа на три избирачки места, на едното се изгубил печатот

Прекин на гласањето има на три места во Куманово, информираше претседателот на Државната изборна комисија (ДИК), Александар Даштевски. Како што...

Македонија2 часа

Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори

До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто....

Македонија4 часа

Петмина си ги фотографирале гласачките ливчиња, полицијата ги фати

Пет лица во периодот од 11 до 14 часот, биле фатени од страна на полицијата оти ги фотографирале своите гласачки...

Македонија6 часа

ОЈО Делчево истражува обид за изборен поткуп со бесплатно вградување водомери

Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на...

Македонија7 часа

Штипјанец и скопјанка фатени како ги фотографираат гласачките ливчиња, а жител на Бучим му го покажал ливчето на набљудувач

Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип....

Македонија7 часа

Најдена димна бомба на гласачко место, летоци врз паркирани автомобили во Чаир и графити пријавени во МВР

Портпаролот на МВР, Тони Ангеловски, информира за текот на изборниот процес од отворањето на избирачките места. „Досега МВР нема регистрирано...

Македонија7 часа

На 12,78 отсто се искачи одѕивот до 11 часот, најголем во Демир Капија – 23,99 отсто

До 11 часот на гласање излегле 229.473 граѓани и одѕивот од 3,85, колку што беше до девет часот, се искачи...

Македонија9 часа

Даштевски: Во првите два и пол часа пријавени се само технички проблеми, кабел или батерија, ги решаваме во од

Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна...

Македонија9 часа

3,85 отсто е одѕивот за гласање во првите два и пол часа, 12 приговори пристигнале во ДИК

Одѕивот на граѓаните во првите два и пол часа од гласањето за избор на претседател на државата на седмите претседателски...

Регион10 часа

Во БиХ уапсени 14 шверцери, превезувале мигранти во Хрватска, заработиле 3 милиони евра

Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални...

Свет10 часа

Кина изрази противење на пакет-помошта од САД за Тајпеј

Кина е „одлучно против“ на американскиот пакет за безбедносна помош за Тајпеј во износ од над осум милијарди долари, соопшти ...

Македонија11 часа

Тошковски: Мислам дека изборниот ден ќе помине во најдобар ред

Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има...

Регион11 часа

Повеќе од половина Србија обоена во жолто: итно предупредување поради можно невреме

Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем,...

Свет11 часа

Американскиот Сенат одобри помош од 95 милијарди долари за Украина, Израел и Тајван

Американскиот Сенат усвои закон со кој се одобрува пакетот безбедносна помош за Израел, Украина и Тајван во вкупна вредност од...