Европа
Reuters: Командант на бунтовници во Украина призна дека имаат ракетен систем ’Бук’
Еден од, како што го претставува Reuters, главните команданти на, проруски бунтовници во ексклузивното интервју за агенцијата во средата потврдил дека тие поседуваат противвоздушни ракети за кои САД тврдат дека се употребени во наводното уривање на малезискиот патнички авион над источна Украина, во областа на Донецк, 60-ина километри од границата со Русија.
Александар Ходаковски, како што е именуван командантот на баталјонот „Восток“ (Исток), првпат по падот на малезискиот „Boeing 777“ на летото од Амстердам за Куала Лумпур., признал дек бунтовниците поседувале ракетен систем „Бук“. Исто така, рекол дека е можно овој ракетен систем да пристигнал од Русија и да е вратен назад за да се отстранат трагите дека бил на украинска територија. Reuters во коментарот наведува дека пред падот на малезискиот авион бунтовниците се фалеа дека поседуваат ракетен систем „Бук“, и дека по трагедијата на малезискиот авион властите на самопрогласената Народна република Донецк повторуваа дека не поседуваат такво оружје. Агенцијата ја изоставува информацијата дека кога проруските бунтовници победнички објавија дека заробиле батерија на овој проттиввоздушен систем, Киев демантираше дека во областа на спроведување на ткн „антитерористичка“ операција има такви ракетни системи. „Знам дека ’Бук’ пристигна од Луганск и ми беше речено дека стигнува под знамето на Народна Република Луганск. Мислам дека го вратија назад“, рекол Ходаковски. Истакнал дека Украина имала докази дека народните милиции, по грешка на Русија, ја имаат таа технологија. „Знаеја за Бук и знаеја дека ќе биде распореден во таа област, но го испровоцираа користењето на тоа оружје против авион кој превезувал цивили“, додал соговорникот на Reuters.Оттаму Ходаковски вината за трагедијата на малезискиот авион во интервјуто за британската агенција ја глед во властите во Киев, бидејќи, како што рекол, го испровоцирале ракетниот напад во кој е погоден и патничкиот авион. Киев намерно тргнал во воздушен напад на тоа подрачје, знаејќи дека проектилите се подготвени, рекол.Ходаковски, кој е претставен како поранешен командант на антитерористичката единица „Алфа“ во Донецк, тврдел дека неговата единица никогаш не поседувала „Бук’“, но можела да го има некоја друга формација од проруските ткн народни милиции за самоодбрана.Бил воздржан и во поглед на потеклото на тоа оружје. „Нема да кажам дека Русите го дале тоа оружје или не го дадоа. Русија можеби го понудила на барање на некоја целосно локална иницијатива. Доколку јас сакам ’Бук’ и некој да ми го нуди, тоа не би го добил. Не би употребил против некој кој не претставува закана“, рекол Ходаковски.Оваа „признание“ се совпаѓа со тврдењата на американското разузнавање дека наводно проруските бунтовници „по грешка“ го урнале малезискиот авион, незнаејќи дека станува збор за цивилен авион, но исто така не ја поврзаа директно Русија со овој инцидент./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.