Европа
Шефовите на дипломатиите на Франција, Германија и Русија за Украина
Министрите за надворешни работи на Русија, Германија и Франција се сретнаа во понеделникот попладнето во француската престолнина Париз на разговори за украинската криза.
Министрите за надворешни работи на Русија, Германија и Франција се сретнаа во понеделникот попладнето во француската престолнина Париз на разговори за украинската криза.
Сергеј Лавров, Франк-Валтер Штајнамер и Лорен Фабиус во Париз претпладнето присуствуваа на меѓународната конференција за Ирак и ја искористија можноста за да се состанат меѓусебно и да разговараат за ситуацијата во Украина, особено во светлината на последните денови во кои речиси постојано се прекршува прекинот на огнот кој на 5-ти септември во белоруската престолнина Минск го постигнаа прозападните власти во Киев и проруските бунтовници од истокот на земјата.
Информацијата за „трипартитниот состанок“ го објави портпаролот на германското министерство за надворешни работи, Мартин Шафер. Меѓутоа, како што забележува AFP кој информацијата за средбата ја добил од дипломатски кругови, засега ниедна од страните не излезе со конкретна информација за состанокот.
Според последните информации во последните 24 часови во гранатирањето на украинската армија врз најголемиот центар на проруските бунтовници Донцек, потврдено е загинувањето на шест цивили, иако премиерот на самопрогласенатата Донецка народна република, Александр Захарченко во неделата навечер објави дека загинале 20 луѓе а 24 се ранети. Станува збор за најголемо загинување на цивили од почетокот на прекинот на огнот пред десет дена во источна Украина што се случи во моментот кога на западот од земјата во близина на Л’вов, започна воената вежба на украинската армија и САД во која учествуваат 15 земји членки на НАТО и членки продружнички на Алијансата.
Целта на договорот од 5-ти септември е да се постигне примирје по петмесечните судири во кои загинаа околу три илјади луѓе, но договорот до 12 точки претпоставува и давање специјален статус на самопрогласените ткн Народни републики во Донецк и Луганск кои откако во почетокот се залагаа за федерализација на Украина, сега одбиваат каква и да е поврзаност со Киев. И покрај тоа што украинскиот премиер Петро Порошенко изрази задоволство од „радикалната промена“ на ситуацијата благодарејќи на примирјето, оружјето целосно не стивна, за што меѓусебно се обвинуваат двете конфронтирани страни./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Два питбула убија 13-месечно дете, трагедија во Италија
Утрово, во Италија, во провинцијата Салерно, два питбула го нападнале тринаесетмесечното момче Франческо Пио Д’Амара и го убиле. Кучињата го нападнале во дворот на селската куќа. Мајка му и вујко му се обиделе да го спасат, но кучињата ги повредиле и нив. Според првите информации на полицијата, која на местото на несреќата пристигнала со возило на брзата помош, сопствениците на кучињата биле познајници на мајката. Кучињата биле пуштени на слобода во дворот на семејната куќа, а тие го нападнале детето бидејќи го гледале или како играчка или како закана.
Паола, мајката на детето, по несогласувањата со сопругот, се преселила во Камполонго, каде што изнајмила дел од селската куќа во која живеела сама со синот. Питбулите им припаѓале на сопствениците на куќата, кои живееле во друг дел од двокатната зграда, пишува „Салерно кориере“.
Според соседите, кучињата досега не покажале знаци на агресија. Градоначалникот на Еболи, Марио Конте, изјави дека администрацијата ќе ги сноси трошоците за погребот на детето. Во Италија не постои список на потенцијално опасни кучиња. Во 2006 година Министерството за здравство донесе правилник во кој беше вклучен список на раси што се сметаат за опасни, но оваа одредба подоцна беше укината.
Европа
Европа се загрева најбргу: објавен алармантен извештај
Заедничкиот извештај објавен од „Коперник“ (Службата за следење на климатските промени на ЕУ) и Светската метеоролошка организација (СМО) откри загрижувачки нови податоци. Имено, Европејците преку ден страдаат од невидена топлина, а навечер се под стрес поради непријатните горештини.
Европа е континентот што најбргу се загрева, предупредуваат експертите, затоплување со стапка далеку над глобалниот просек.
Стапката на смртност од топлина е зголемена 30 % во последните две децении во Европа. Економските загуби поврзани со временските услови и климата се проценуваат на 13,4 милијарди евра, според извештајот, како што објави „Гардијан“.
Според извештајот, температурите во Европа биле над просекот 11 месеци минатата година вклучувајќи го и најтоплиот септември од почетокот на евиденцијата. Поради жештините и сушата, имаше големи пожари, кои ги опустошија селата и ги задушија жителите на градовите.
Пожарите беа најинтензивни во јужноевропските земји, како Португалија, Шпанија и Италија. Грција беше погодена од најголемиот шумски пожар во ЕУ, изгореа 96.000 хектари шума, се вели во извештајот.
Од друга страна, обилните дождови предизвикаа смртоносни поплави. Во 2023 година Европа беше околу 7 % повлажна од просекот во последните три децении. „Минатата година Европа беше погодена од најголемиот шумски пожар. Во исто време бевме сведоци на една од највлажните години, силни морски топлотни бранови и разорни поплави“, изјави Карло Буонтемпо, директор на „Коперник“.
Континентот ја доживеа најтоплата година досега. Северозападна Европа го доживеа најтоплиот јуни досега, а поголемиот дел од Европа беше погоден од топлотни бранови за време на продолженото лето од јуни до септември.
На врвот на топлотниот бран во јули, 41 отсто од јужна Европа беше погодена од силен до екстремен топлотен стрес, што ги влошува постојните здравствени состојби и може да го зголеми ризикот од болести.
На Пиринејскиот Полуостров и во Источна Европа имаше суша. Бројот на денови со снежни врнежи беше под просекот, се вели во извештајот, а недостигот на зимски снег во комбинација со летните топлотни бранови значеше дека глечерите на Алпите исклучително се топат. Во последните две години алпските глечери изгубија околу 10 % од преостанатиот волумен.
Сè уште не е сосема јасно како глобалното затоплување предизвикува сè повеќе и повеќе обилни врнежи. Потоплиот воздух може да задржи повеќе влага, што овозможува поекстремни бури. Но, од друга страна, поради сложеноста на климатските промени, врнежите не мора секогаш да се случуваат. Постои многу посилна врска помеѓу глобалното затоплување и топлотните бранови.
Извештајот не дава податоци за минатата година за бројот на смртни случаи поврзани со топлина, но се знае дека имало 70.000 дополнителни смртни случаи поврзани со топлина во 2022 година. „Бројот на смртни случаи поврзани со топлина веројатно ќе биде поголем во 2023 година“, рече климатологот Фридерике Ото од Империјал колеџ во Лондон.
Европа
Напад во Русија, двајца полицајци загинаа, еден повреден
Двајца полицајци се убиени, а еден е ранет кога неидентификуван напаѓач нападнал руска полициска единица во градот Карачаивск во Карачаевско-Черкезија, во Северен Кавказ, соопшти регионалниот оддел на Истражниот комитет на Русија.
Како што се наведува, денеска, непознато лице со огнено оружје пукало неколкупати во полициски одред во градот Карачајевск, а потоа напаѓачот ги украл службеното оружје и муницијата на полицијата, пренесува „Интерфакс“.
Потрагата по напаѓачот е во тек.