Свет
Во централна Италија во неделата регистрирани 200 подземни удари, можни се нови
Околу 200 подземни удари со различна моќност се регистрирани во централна Италија откако во неделата утрото на Апенинскиот полуостров се случи најсилниот земјотрес во последните 36 години, со магнитуда од 6,5 степени по Рихтер, објави Националниот институт за геофизика и вулканологија (INGV).
Според сеизмолозите, 15 од овие потреси биле со магнитуди меѓу 4,0 и 4,6 според Рихтер. Поради тоа научниците сметаат дека сегашниот циклус на висока сеизмичка активност во централниот делна Италија започнала на 24-ти август, кога ова подрачје го погоди земјотрес со магнитуда од 6,0 во кој загинаа 298 луѓе. Вечерта на 26-ти октомври истата област беше погодена до нова серија силни последователни потреси, од кои најмоќниот беше со магнитуда со 5,9 степени.
Земјотресот во неделата е најсилниот во Италија од оној во ноември 1980 година во областа Кампанија, во близина на Неапол, кога загинаа 3.000 луѓе. Земјотресот,пак, кој ноќта на 6-ти април 2009 година го погоди градот Аквила однесе 309 животи, а беше со магнитуда од 5,8. А најмалку 95.000 луѓе загинале во катастрофалниот земјотрес со магнитуда од 7,1 степени во Месинскиот теснец во 1908 година.
Италија е сеизмички многу силна област, особено по должината на планинскиот венец, бидејќи со еден дел се наоѓа на евроазиската а со другиот на африканската тектонска плоча. Научниците ја објаснуваат сегашната сеизмичка активност со еден вид „растегнување“ на Апенинскиот полуостров од исток кон запад, и укажуваат на тоа дека потресите со различна сила, најверојатно, ќе продолжат.
„За жал, не сме во состојба да предвидиме кога и со какви последици ќе се јават други потреси. Меѓутоа, теоретски, не можеме да ја исклучиме можноста дека други земјотреси со иста моќност како и досега, па дури и посилни, ќе се случат во зоната блиска на регионите каде што беа регистрирани овие појави“, изјави во неделата соработникот на INGV, Алберто Микелини.
Според INGV земјотресот што во 7,41 часот во неделата ја погоди централна Италија бил со магнитуда од 6,5 степени по Рихтер, а неговиот епицентар бил на длабочина од 10 километри во близина на градот Норча. По него во текот на 20 минути следеле два подземни удара со магнитуди од 4,6и 4,1 степен.
Тресењето на почвата силно било почувствувано низ цела Италија, вклучително и во престолнината Рим на 132 километри и во Венеција на повеќе од 300 километри од епицентарот. Бројни уривања се регистрирани во четири италијански региони: Марке, Умбрија, Лацио и Абрицо, кои веќе беа погодени од потресите на 24-ти август и на 26-ти октомври годинава.
Според директорот на италијанската служба за Цивилна заштита, Фабрицио Курчо, во неделниот земјотрес биле полесно повредени 20 лица. „На ниедно од нив не му е загрозен животот, нема загинати, ниту исчезнати“, изјави во неделата навечер. Од друга страна, началникот на регионот Марке, Лука Черишиоли изјави дека досега во овој регион помошта им е потребна на околу 100.000 луѓе./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка, испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош кои, како што се наведува, опишале како течел денот кога исчезнала нивната ќерка.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме е неописливо. Тоа може да го разбере само родителот. Неколку пати ни дојде полиција, ѝ зедоа разни работи на Данка, ништо не знаеме, ниту за крвта на патот, ниту во кола, ниту ништо. Не ни е јасно зошто не се јавиле во итната помош, зошто не помогнале, но го направиле тоа. Тоа што јас и Ивана постојано страдаме е страшно, разни луѓе ни се јавуваат, не навредуваат, ни ја префрлаат вината. Морав да побарам да го сменам бројот, не можеме повеќе. Кога се ќе заврши, ќе кажеме се“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафах во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.