Регион
Американски експерти: САД нема воено да интервенира на Балканот
Претседателот на американскиот Институт за меѓународно право Дон Валас изјавил дека САД нема да го напушти НАТО, нити пак да ја промени политиката кон ЕУ, пренесуваат српските медиуми.
Валас рекол дека Вашингтон нема да промени ништо во односите со земјите од Западен Балкан. Американскиот експерт за РТС изјавил дека се уште не се знае што „Европа во две брзини“ ќе значи за нејзините членки, особено оние на истокот од континентот.
Американецот додал дека се уште постојат претпоставки околу тоа како ќе изгледа Унијата по Brexit и дали и како администрацијата на американскиот претседател Доналд Трамп ќе треба да ја промени политиката кон Европа и НАТО.
„Целосно сум сигурен дека САД нема да го напушти НАТО, нити Европа. Сега за првпат испративме и војници во Норвешка. Целта е на Осло да му се даде дополнителна поддршка во однос на Москва“, рекол тој, наведувајќи дека „смета оти Brexit е ужасна работа, но дека Трамп го поддржал овој процес“.
„Но Трамп е оптимист во поглед на промените на односите со Русија. Исто така, шефот на Пентагон Џејмс Матис и потпретседателот Пенс веќе беа во Европа и порачаа дека нема потреба за нервоза – нема да има многу промени во политиката кон Европа“, рекол Валас, додавајќи дека смета оти нема да има промени нити во односите на Вашингтон кон Западен Балкан.
„За Западен Балкан ќе биде важно кои ќе бидат амбасадорите во земјите од регионот, помошниците или замениците државни секретари за регионот, бидејќи се уште не се именувани. Сметам дека нема да има воени интервенции, нити нешто слично. Трамп не верува во воените интервенции, не смета на тоа и тука нема опасност“, заклучил Валас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.