Регион
За осум месеци спречен илегален влез на околу 7.500 мигранти во Србија
Изминатите неколку месеци е спречено илегалното влегување на околу 7.500 имигранти на територијата на Србија, изјави во неделата српскиот министер за внатрешни работи Небојша Стефановиќ.
„Во последните седум осум месеци вративме околу 7.500 мигранти кои сакаа илегално да влезат во Србија. Не може првиот контакт со Србија да биде кршење на законот“, изјави српскиот министер за внатрешни работи Небојша Стефановиќ за телевизијата ТВ Пинк.
Истовремено, Стефановиќ обвини некои невладини организации во Србија дека „поттикнуваат нова клима во којашто треба да излезе дека на мигрантите во Србија нешто ужасно им се случува“.
„Одете во кој и да е камп и погледнете во какви услови тие живеат“, рече Стефановиќ и истакна дека мигрантите од неколкуте паркови во главниот град Белград повеќепати биле замолени да минат во центрите за прифаќање за да живеат во подобри услови.
Во прифатните центри во Србија има вкупно околу 6.000 лица, но процените се дека уште околу илјада до 1.200 мигранти се надвор од системот кој им обезбедува сместувања и исхрана. Неколку стотици мигранти во моментов престојуваат во напуштени складишта во близна на белградската автобуска станица.
Европскиот комесар за хуманитарна помош и управување со вонредни состојби Христос Стилијанидис најави кон средината на јануари дека Србија од Европската унија ќе добие дополнително четири милиони евра за помош на мигрантите и бегалците, и притоа ја пофали српската влада за досегашното справување со мигрантската криза.
Српскиот министер за труд и социјална грижа Алесандар Вулин, соопшти тогаш дека Србија нема да ги зголеми капацитетите на прифатните центри со сегашните 6.000 места, оценувајќи дека тоа сместување е „најквалитетниот на мигрантската рута“. Помошта од ЕУ ќе се намени за прехранување на бегалците и мигрантите во прифатните центри ширум Србија и подобрување на условите за нивно сместување./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.