Регион
Лидерот на црногорската опозиција негира дека ги познава лицата обвинети за организирање на пучот
Челникот на црногорската опозициска партија Демократски фронт, Андрија Мандиќ изјави во петокот дека воопшто не се познава со Русите коишто официјална Подгорица ги осомничен за подготовка на државен удар и оти не е поврзан со никаков обид за пуч и според него станува конструкција на власта и „странска тајна служба“.
Во февруари Скупштината (парламентот) на Црна Гора изгласа одземање на имунитетот на пратениците на Демократскиот фронт, Андрија Мандиќ и Милан Кнежевиќ во врска со истрагата за наводниот обид за државен удар на денот на парламентарните избори ланскиот 16-ти октомври, кога заговорниците наводно планирале заземање на парламентот и ликвидација на поранешниот црногорски челник Мило Ѓукановиќ, и притоа го уапси возачот на Мандиќ кој е во Србија, Михајло Чаѓеновиќ.
„Последната одлука на специјалното обвинителство (за поведување истрага против него и неговиот сопартиец Милан Кнежевиќ) најдобро зборува за интелектуалното ниво на оние кои ја водат таа институција. Како што веќе многупати рековме, ние не ги познавме, не знаеме кои се тие, никогаш не сме ги виделе и не сме се слушнале со Русите коишто ги споменува истрагата… Не постои ништо друго, освен обидот на специјалното обвинителството да нанесе штета на Демократскиот фронт, и нам лично“, го цитира Мандиќ информативниот портал CDM.
Според него целта на „одделни западни разузнавачки служби“ е обидот да се подгрее ситуацијата во Црна Гора за да се попречи зближувањето меѓу Русија и САД.
Во декември црногорските власти објавија меѓународни потерници преку Интерпол по руските државјани Едуард Широков и Владимир Попов, како и српските државјани Предраг Богичевиќ, Милош Јовановиќ и Немања Ристиќ поради наводно подготвување на државниот преврат. Специјалното обвинителство особено го сомничи Русинот Широков за планирање убиство на поранешниот премиер Мило Ѓукановиќ.
Според власта во Подгорица, којашто се повикува на западни разузнавачки служби, рускиот државјанин Едуард Шишмаков бил воено аташе во руската амбасада во Полска, а за она за што го обвинуваат за задачата да ја дестабилизира Црна Гора и нејзиното членство во НАТО, го променил личниот идентитет и добил ново презиме Широков. За сличната наводна операција во Молдавија и спротиставување на нејзиното пристапување на Европски унија е осомничени Владимир Попов во летото 2014 година.
Специјалниот обвинител на Црна Гора, Миливој Катниќ, претходно изјави дека некои „руски државни органи“ наводно се вмешани во спомнуваниот обид за државен удар. Според него, таквите заклучоци биле изведени од сведоштва на обвинети и податоци од нивните разговори.
Специјалното државно обвинителство води постапка против 26 лица, а подигнувањето на обвинението го најави за 15-ти април. Исто така, најавено дека на двајцата Руси ќе им се суди во отсуство, доколку од почетокот на судењето не бидат достапни за правосудството.
Црногорското правосудство објави дека руските националисти се главните организатори за обид за терористички напади на денот на парламентарните избори на 16-ти октомври кога е уапсена група осомничени дека на подрачјето на Црна Гора во текот на денот и изборната ноќ планирале да изведат низа терористички акции да предизвикаат хаос во државата па дури и да го ликвидираат челникот Мило Ѓукановиќ.
Портпаролот на Кремљ, Дмитриј Песков, изјави дека обвинувањата против Русија од страна на високопозиционирани личности во Црна Гора се премногу сериозни, а не се поткрепени со никакви факт и се неодговорни.
На почетокот од март од руското обвинителство објавија дека го разгледуваат барањето на Црна Гора за помош во истрагата за наводниот обид за државен удар во текот на парламентарни избори ланскиот октомври./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Дете не може само така да пропадне во земја“ – соседот на исчезнатата Данка опиша што се случувало кобниот ден
Се вратив од училиште околу 14 часот, а половина час подоцна дојдоа две-три полициски патроли, ги следев да видам што се случува и дознав дека детето го нема. Вака Лука од Бор зборува за моментот кога исчезна девојчето Данка Илиќ (2).
Како што вели, кобното попладне веднаш се приклучил на полицијата во потрага по детето.
„Тука бевме до 22:30 часот. После тоа дојдоа уште дваесет патроли. Следната вечер пристигнаа два-три хеликоптери, како и беспилотни летала за термално снимање и кучиња трагачи. Таму беа бабата, мајката и дедото и малиот брат на Данка. Сите добро ги познавам“ изјави Лука, пренесува „Блиц.рс“.
Тој потсети дека семејството на девојчето живее во Бор и дека дошле во Бањско поле бидејќи таму имаат викендица.
„Се надевам на најдоброто. Се молам на Бога девојчето да е живо и здраво. Отпрвин мислевме дека, не дај Боже, паднала или нешто слично, но нема ништо“, вели соседот на семејството на исчезнатото девојче.
Потоа ја коментираше изјавата на мајката на Данка за исчезнувањето на нејзината ќерка.
„Сите велат дека отишла да земе вода. Детето не можело да пропадне во земја. Кога стигнав, мајката на Данка беше во солзи, како и нејзината баба. Бабата беше навистина потресена. Цел ден плачеше во автомобилот. Вечерта дошла Итната помош и и дала седатив за висок притисок. Подоцна ја однеле во итната медицинска помош“, вели младниот човек.
На прашањето дали мисли дека девојчето можеби е киднапирано, тој вели во тоа верува 100 отсто.
„Ако не е тука, не знам каде би можела да биде. Оваа улица не е прометна. Не знам како се случи“, заклучува Лука.
„Блиц“ потсетува пред фармата на која исчезна девојчето Данка Илиќ (2) во Бањско поле кај Бор, пристигна багер – комбајн за да може полицијата да го расчисти имотот. Во исто време, припадници на МУП повторно ги пребаруваат шахтите и јамите во споменатата населба. Сето тоа со цел да се најдат материјални докази кои ќе помогнат во пронаоѓањето на Данка. Багерот подоцна се преселил на имотот преку улицата, каде што собира дрвја и гранки.
Родителите на исчезнатата Данка Илиќ денеска во текот на денот се приведени во полиција за да го продолжат распитот кој вчера започна во полициската станица во Бор во врска со исчезнувањето на нивната двегодишна ќерка.
Неколку припадници на полицијата го раскопуваат просторот пред дворот каде девојчето исчезна пред точно два дена. Областа се бара за какви било траги.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.