Регион
Ципрас подготвен за продолжување на преговорите, Самарас поднесе оставка
Грчкиот премиер Алексис Ципрас го поздрави изјаснувањето на неговите сонародници со „не“ на предлогот на доверителите и ноќта кон понеделникот објави дека неговата влада е подготвена веднаш да се врати на преговорите со доверителите, за да може банките што поскоро да бидат отворени, а неговиот претходник и челник на опозицијата Антонис Самарас поднесе оставка во најголемата опозициска партија Нова демократија, а германски пратеници порачуваат дека за Грција е подобро да излезе од еврозоната.
„Докажавме дека демократијата не може да се уценува. Грците не одговараа на прашањето дали се за останување или излегувањето. Грчкиот народ направи храбар избор“, порача грчкиот премиер Алексис Ципрас во телевизиското обраќање до нацијата.
Рече и дека народот не му дал мандат против Европа, туку за барање одржливо решение и додаде дека Грција е подготвена за продолжување на преговорите, со план за реформи.
Најави дека од грчкиот претседател Прокопос Павлопулос ќе побара да свика состанок на челниците на сите грчки политички партии за да ги запознае со состојбите.
Меѓутоа, поранешниот премиер и челник на опозицската партија на десниот центар Нова демократија, Антонис Самара, ја понуди во неделата навечер оставката на лидерската должноста откако на референдумот надмоќно победи ставот кој го застапуваше крајно лево ориентираната владејачја Сириза и нејзиниот коалициски партнер националистичката Независни Грци.
„На нашата партија ѝ е потребен нов почеток. Се повлекувам од раководството на Нова демократија, објави Самарас во писмената изјава емитувана на државната телевизија.
Поранешниот премиер кој на крајот од јануари на оваа должност го замени Ципрас, ја предводеше кампањата за прифаќање на предлогот на доверителите на референдумот, но веднаш откако започнаа во неделата да се објавуваат резултатите, следеа повиците за негова оставка.
По обработените изборни материјали од 90, 91 отсто од гласачките места, против предлогот на доверителите се изјасниле 61,37 отсто од Грците, додека за нив гласале 38,63 проценти, со одѕив на гласачите од 62,28 отсто, што е приближно на предвремените парламентарни избори од 25-ти јуни, кога Сириза дојде на власт токму со ветувањето дека за прекинување на непопуларните мерки за штедење.
Германскиот конзервативен пратеник Ханс Михелбах изјави по завршувањето на референдумот коментирајќи ги резултатите дека би можело да биде најдобро Грција да остане надвор од просторот не единствената европска валута, откако го одби предлогот што го понуди Еврогрупата.
„Сега би требало да се запрашаме дали не би било подобро Грција да остане надвор од еврозоанта“, рече Михелбаг, член на влијателната бавараска Христијанско-социјална унија (CSU), којашто е во сојуз со владејачката конзервативна Христијанско-демократската унија (CDU) на канцеларката Ангела Меркел.
„За жал, Грција го избра патот на изолацијата“, рече Михелбаг додавајќи дека штом во Грција победил гласот за „не, тогаш според неговото мислење повеќе нема основа за натамошна помош за оваа земја./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски Индекс.
Новинар и снимател на српски Информер, пристигнале пред куќата на вујкото на Данка каде се случил помал инцидент. Пред нив излегол маж кој се претставил како вујко на Данка и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ Информер во еден момент велат: „Удри го Рафа, удри го!“ и додаваат дека ќе биде добро за шерот (удел во вкупна ТВ гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Регион
(Видео) Снимка од приведувањето три лица во БиХ, кои на „Тик-ток“ објавија дека ја држат Данка
Тројца мажи, кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управата за технологија, уапси три лица што се сомничат дека преку социјалната мрежа „Тик-ток“ објавиле дека се поврзани со исчезнување на девојчето Данка Илиќ.
Уапсени се Б. Т. (2002), М. Т. (2001) и З. Т. (1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде што потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Регион
Два силни земјотреса го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9.12 часот на подрачјето на Јонското Море, а минута претходно е регистриран земјотрес со јачина од 4,3 степени, пренесува „Катимерини“.
Двата земјотреса беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија, Ефтимис Лекас, на платформата Х напиша дека нема повредени и дека не е причинета штета, а директорот на Геодинамичкиот институт, Атанасиос Ганас, рече дека причината што нема материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.