Регион
Ципрас повторно во коалиција со Каменос
Победникот на вонредните парламентарни избори во Грција, левичарската партија Сириза и нејзиниот лидер Алексис Ципрас повторно ќе влезе во коалиција со партијата Независни Грци на Панос Каменос, пренесуваат грчките медиуми.
Врз основа на 92 проценти од преброените гласови, Сириза на изборите освои 35,54 проценти од г ласовите, а конзервативната партија Нова демократија освои 28,03 отсто, објавило грчкото министерство за внатрешни работи. Според резултатите, Сириза ќе има 145 пратенички места од вкупно 300, додека Нова демократија, пак, ќе има 75 пратенички мандати.
На трето место следува Златна зора со 6,95 отсто освоени гласови, односно 18 пратеници, а потоа следи партијата Пасок со 6,27 отсто, односно 17 пратеници во Парламентот. Партијата на комунистите освоила 5,59 отсто и ќе има 15 места во Парламентот, а потоа следат Потами (Река) и Независни Грци со 11 отсто, односно 10 пратенички места.
„Од утре ќе формираме влада со Алексис Ципрас како премиер“, изјавил лидерот на Независни Грци, Панос Каменос.
Излезноста на изборите изнесуваше 55,4 отсто, додека, пак, на јануарските избори истата изнесуваше 63,6 отсто. Во првото обраќање по повод победата, Ципрас порача дека Сириза добила нов четиригодишен мандат за опоравување на земјата, но дека до тоа нема да дојде со помош на магија, туку преку напорна работа.
„Постигнавме огромна победа, тоа е победа на народот. Жестоко се боревме. Грчкиот народ нам ни даде јасен четиригодишен мандат за борба“, рекол Ципрас во говор пред своите приврзаници.
Грчките политичари веќе имаат големо искуство со политиката на штедење. Првиот пакет на помош во 2011-та година скапо ја чинеше власта на тогашниот премиер и лидер на Пасок, Јоргос Папандреу, а цената на вториот пакет помош пак, ја плати и поранешниот лидер на Нова демократија, Андонис Самарас. За разлика од нив пак, Ципрас преживеа и сега од грчкиот народ доби нов мандат за справување со должничката криза./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.