Регион
Давутоглу ги осомничи екстремистите за експлозиите во Анкара
Турскиот премиер Ахмет Давутоглу изјави дека за организацијата на експлозиите во кои во саботата утрото во престолнината Анкара загинаа најмалку 86 луѓе а повеќе од 186 се ранети, кои се квалификувани како терористички напад, се осомничени екстремистичките групации како Исламската држава Работничката партија на Курдистан (PKK) како и екстремната Револуционерната партија/фронт за ослободување на народот (DHКP-C).
Две експлозии во интервал од три секунди одекнаа околу 10 часот на двете страни од главната железничка станица во Анкара на самиот почеток од протесниот марш против труско-курдскиот конфликт во југоисточна Турција. Според премиерот Ахмет Давутоглу, постојат докази дека нападот го извеле двајца бомбаши самоубијци.
„Потенцијалот да изведат таков терористички напад имаат Исламската држава, PKK и DHКP-C и Марксистичко-ленинистичката комунистичка партија. Истрагата продолжува“, изјави Давутоглу за новинарите во Анкара.
Во меѓувреме забранетата Работничка партија на Курдистан (PKK) објави дека на своите герилци им порачала да ги сопрат сите воени активности, во врска со експлозиите во Анкара.
Ситуацијата во Турција ескалираше откако Исламската држава на 20-ти јули во Суруч на границата со Сирија изведе терористички напад во кој беа убиени 33 прокурдски активисти кои се подготвуваа да заминат за сирискиот курдски град Кобане за негово обвинување откако од него беа одбиени џихадистите кои го опсадуваа со месеци. Истовремено во југоисточна Турција беа пронајдени застрелани двајца полицајци, за што беше обвинета PKK. Анкара оттогаш започна во воздушни удари врз курдските бази во северната ирачката покраина Ирачки Курдистан, на што курдските герилци возвраќаат со напади во југоисточна Турција и во тие акции убиле повеќе од 130 турски војници и полицајци. Во воздушните напади кои Турција ги започна 24-ти јули во северен Ирак биле убиени над илјади курдски борци, според Анкара./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.