Регион
Грчкиот парламент ги прифати условите на кредиторите
Парламентот на Грција ги прифати законите со кои се воведуваат строгите мерки за штедење и со кои се прифаќа договорот со ЕУ. За гласале 229 пратеници, против биле 64, а шестмина биле воздржани, додека еден пратеник не бил присутен.
Владеачката партија Сириза го усвои законот блчагодарение на поддршката на проевропските опозициски партии. Пратениците за овој документ гласале поединечно на пленарната собраниска седница.
Меѓу мерките кои грчките пратеници ги прифатија се: зголемување на данокот на додадена вредност, независност на службата за статистика, реформа на пензискиот систем, јакнење на финансискиот сектор, намалување на позајмицте кои не можат да се наплатат, приватизација на мрежата за електродистрибуција, реформа на пазарот на трудот…
Грчкиот премиер Алексис Ципрас уште пред гласањето го повика парламентот да го поддржи законот, со образложение дека нема никаква друга алтернатива иако и тој самиот не се согласува со мерките.
„Ние во ова не веруваме, но сме принудени да го прифатиме“, рекол Ципрас пред гласањето во парламентот.
Грчкиот премиер рекол дека нема да престане да ги исполнува своите обврски и дека ќе продолжи да ги спроведува политичките и социјалните реформи и дека је ја продолжи борбата против корупцијата.
За време на дебатата поголем дел од пратениците го критикуваше предлогот, но и говореле дека за него ќе мора да се гласа. Во текот на расправата поддршка на законот најавија владејачката коалиција на Сириза и Независните Грци и опозициските ПАСОК, Нова демократија и Реке. Против законот гласаа Златна зора и Комунистичката партија.
Додека дебатат во парламентот траеше пред зградата во Атина демонстрантите кои протестираа против законот се судрија со полицијата која за да ја растури толпата употреби солзавец и шок бомби. Во судирите биле повредни четворица полицајци и 30-тина демонстранти.
За време на протестите биле запалени канти за смет и неколку возила на телевизиски екипи. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.