Регион
Хрватска деблокира два премина кон Србија
Граничните премини Бајаково и Товарник се отворени за целиот сообраќај, без никакви ограничувања, објави во 17 часот во петокот владата на Хрватска на својот акаунт на Twitter.
Хрватска претходно од полноќ кон понеделникот ја затвори својата граница со Србија за товарен сообраќај и за автомобили со српски регистарски таблички кај преминот Бајаково, кој единствен на оваа граница остана отворен од почетокот на бегалската криза.
Сé уште за целиот сообраќај се затворени граничните премини со Србија – Илок, Илок 2, Принциповац, Принциповац 2, Ердут и Батина.
Претходно загрепските и белградските медиуми објавија дека под притисокот од Европската унија и хрватските бизнисмени, хрватскиот премиер Зоран Милановиќ се согласил во следните неколку часа да ја отповика одлуката за блокада на границата со Србија.
Наводно механизмот за отповикување на одлуката за деветодневната блокада на границата бил покренат уште во четвртокот во текот на телефонскиот разговор на Милановиќ со шефицата на дипломатијата на ЕУ, Федерика Могерини.
Брисел во петокот соопшти дека Европската комисија од Хрватска бара итни објаснувања во врска со блокадата на границата со Србија, бидејќи нејзините првични процени покажуваат дека станува збор за „сериозни прашања во врска со компатибилноста со Спогодбата за стабилизација и придружувања меѓу ЕУ и Србија и со Царинската унија“.
Европскиот комесар за соседска политика и проширување, Јоханес Хан, изјави во петокот во Белград дека е многу загрижен од ситуацијата на српско-хрватската граница и апелираше владаа во Загреб да ја повлече одлуката за блокадата, оценувајќи дека тоа е интерес на западен Балкан во целина.
Хан на заедничката прес-конференција со српскиот премиер Александар Вучиќ изјави дека лично видел колона камиони по должината на автопатот кон границата со Хрватска и истакна дека ситуацијата може да се надмине единствено со отстранување на блокадата на границата, и ори за тоа „нема алтернативи“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.