Регион
Хрватска подготвена да ја отстрани блокадата за Србија, двете страни постигнаа договор за поглавјето 26
Хрватска е подготвена да се откаже од своите резерви во однос на отворањетона поглавјето 26 во преговорите помеѓу Србија и ЕУ, откако во петокот во Белград беше решено прашањето за учебниците за хрватското национално малцинство, изјавил хрватскиот министер за надворешни и европски работи, Давор Иво Штиер.
„Српскиот министер за образование во петокот во Белград со претставниците на хрватскиот национален совет и Заводот за учебници потпиша анекс договор со кој се регулира прашањето за учебниците, не само за нивното преведување од српски на хрватски и од кирилица на латиница, туку во него ќе има и посебни додатоци, односно содржина за хрватското малцинство“, рекол Штиер.
Шефот на хрватската дипломатија ја поздравил таквата одлука и додал дека „ова е добар ден за хрватското малцинство во Србија“. Хрватска на меѓувладината конференција во Брисел на 13-ти декември не се откажа од своите грижи во поглед на отворањето на поглавјето 26, кое се однесува на образование и култура бидејќи Србија, како што потенцираше хрватскиот премиер Андреј Пленковиќ, не ги исполнила своите обврски кон хрватското малцинство.
Српските претставници потоа упатија жестоки критики кон хрватските власти, но официјален Загреб од почетокот тврдеше дека се работи за непотребно драматизирање на прашањето и дека Србија може ова лесно да го реши./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Откриено кој го возел „пунтото“ каде што исчезна девојчето Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“ кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед кој живее недалеку од местото каде исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13 часот и 45 минути.
Регион
Багер пристигна пред куќата на исчезнатата Данка: полицијата го блокираше пристапот
Полициски екипи ја опколиле куќата на семејството Илиќ во Бањско поле, додека пред неа пристигнал багер, објави српски Телеграф.
Според медиумот, се уште нема официјални информации зошто е донесен багер, а нивниот репортер јавува дека полицијата отвора шахти околу куќата на семејството Илиќ.
Како што пренесуваат, полицијата и работниците од ЈКП од утрово го расчистуваат теренот.
2-годишната Данка исчезна во моментот кога нејзината мајка му давала вода на друго дете. Носела виолетови панталони, маслинеста јакна, а косата и била врзана во опавче. По исчезнувањето на Данка, за прв пат во Србија беше објавен Abber Alert наречен „Најди ме“.
По девојчето 27 часа трагаа припадници на жандармеријата, полицијата, пожарникари, спасувачи, како и бројни мештани. По 27 часа српската полиција го прекина пребарувањето на теренот во Бањско Поле.
Регион
Што се случи на денот кога исчезна малата Данка, првата сосетка раскажува
Живанка Трајковиќ од Бањско поле, првата сосетка на семејството Данка Илиќ (2) која исчезна пред три дена, раскажа што се случило на денот кога исчезна девојчето.
– Беше емотивно за сите нас. За сите граѓани. Таткото плачеше, бабата, дедото. Тие беа многу потресени. Луѓето плачеа, плачев и јас. Беше тешко и жално за сите“, вели таа.
Сосетката вели дека семејството на исчезнатото девојче не живее во селото каде што исчезнало, туку дека дедото доаѓа повремено.
-Имаше малку сонце, ветровито – го опишува денот кога исчезна Данка и продолжува:
– Полицијата дојде. Кога слушнав дека девојчето исчезнало, се зачудив. Зошто овде? Како? Мирно е, тивко е… Јас сум првата куќа до нив. Видовме дека има некој во шумата, во нивниот дел, но не обрнавме внимание. Ја работевме нашата работа што ја работевме. И не обрнувавме внимание додека не не праша полицијата. Да, теренот е непристапен. Има дупки, има секакви работи. Некои подземни води, има и поток. Сосема е нелогично каде отиде девојчето. Некој од соседството рече дека ја виделе токму таму пред нашата врата. Таму имаме песок, децата сакаат песок. Сигурно ќе останеше некоја трага. Сепак, не најдовме никаква трага. Ништо не видовме“, рече сосетката.