Регион
Идентификуван осомничениот за самоубиствениот напад во Суруч
Турската полиција практично го идентификувала самоубиецот кој го изврши во понеделникот бомбашкиот напад во градот Суруч во покраина Шанлиуфра во непосредна близина на границата со Сирија, како и сомнително лице поврзано со нападот врз левичарските активисти блиски на курдските борци, изјави во вторникот турскиот премиер Ахмед Давутоглу на прес-конференција во текот на посетата на оваа покраина.
„Еден од осомничените го идентификуваме. Неговите потенцијални врски во странство или во Турција се проверуваат во моментов. Најверојатно станува збор за самоубиствен напад поврзан со џихадистите од Исламската држава“, изјави турскиот премиер Ахмед Давутоглу.
„Истрагата е во фаза во којашто идентитетот на бомбашот самоубиец е речиси утврден. Ние оваа информација сé уште не е ја откриваме, а ќе го сториме тоа штом истрагата биде апсолутно убедена во тоа“, истакна премиерот во Шанлиуфра во истоимената покраина.
Давутоглу исто така изјави дека бројот на загинатите се искачил на 32 луѓе, како и дека 29 од стотината ранети сé уште се хоспитализирани. За во среда најави вонредна седница на министерскиот кабинет на кој ќе бидат „разгледани евентуалните нови безбедносни мерки“.
Турското министерство за внатрешни работи го квалификуваше нападот како терористички и сомневањата паѓаат врз Исламската држава.
Експлозијата се случи во понеделникот утрото во дворот на Културниот центар Амара, во кој имало повеќе од 300 активисти на Федерацијата на здруженијата на социјалистичката младина (SGDF), претежно турски Курди, кои учествувале на семинар за обнова на сирискиот курдски град Кобане и помош на сонародниците во соседна Сирија во борбата против Исламската држава, град кој е оддалечен од местото на експлозијата нецел километар.
Во вторникот дневниот весник Hurriyet повикувајќи се на извори во турското разузнавање дека Националната разузнавачка агенцијa (MIT) ги предупредила безбедносните сили дека се можни напади од припадници на Исламската дражва во периодот од 22-ри јуни до 3-ти јули.
Весникот потсетува дека по турската полиција, најверојатно по известувањето добиено од разузнавањето, неодамна изврши операции против лица осомничени за врски или за припадност на Исламската држава, во повеќе градови. Во рациите во Истанбул, Анкара, Измир, Коња и во Шанлиурфа биле уапсени 97 лица./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.