Регион
Подгорица вознемирена по настаните во Куманово
Црногорскиот претседател Филип Вујановиќ во врска со судирот меѓу македонската полиција и терористичката група во Куманово, упати сочувство до македонскиот колега Ѓорге Иванов поради загинувањето на осумте полицајци, додека црногорското министерство за надворешни работи и европски интеграции им препорача на своите граѓани при патувањето во Македонија да ја контактираат црногорската амбасада во Скопје за прецизно информирање.
Истовремено, црногорската невладина агенција Граѓанска алијанса ја повика меѓународната заедница да не дозволи повторување на грешките од минатото и активно да го потврди своето присуство во регионот и преку силни дипломатски напори да покаже дека е способна да предводи цивилизиран свет во 21-от век. Оваа организација истакнува дека драматичните случувања во Куманово навестуваат отворање ново поглавје во насилството на балканската почва.
Политиката на меѓународната заедница, која ги сопре европските и евроатланските интеграции на Македонија, придонела за таквата состојба во оваа земја и регионот, порачуваа од Граѓанската алијанса.
Од црногорското Граѓанско движење, нова парламентарна партија на опозицијата, оценуваат, пак, дека „случувањата во Македонија претставуваат уште еден доказ дека Балканот е лесно запаливо место и дека вкоренетите режими во секој момент кога ќе почувствуваат дека се загрозени, можат да предизвикаат насилство“, а еден од челниците на оваа партија, Дритан Абазовиќ, предупредил дека слични работи можат да се случат и во Црна Гора, во моменти кога би дошло до демонтажа на актуелниот режим.
Според неговото толкување, „секој што е малку поупатен во состојбата во Македонија можел да очекува дека ќе дојде до судир“, кој како што наведува, „повторно треба да ги пробуди националните страсти и да послужи како параван за сите штетни и криминални работи кои веројатно се направени од тој режим“.
Абазовиќ, исто така, додава дека се надева дека народот во Македонија, Македонците и Албанците ќе сфатат дека зад тоа стои „политичка заднина“ и дека ниеден човек поединечно, ниеден политичар, независно дали е тоа премиер, министер или бизнисмен не е вреден за пролевање крв на невиниот народ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.