Регион
Пусиќ: Киднаперите на Салопек не се јавувале за да се преговара со нив
Томислав Салопек го киднапирала разбојничка група која барала пари за негово ослободување, а потоа завршил во рацете на терористите од Исламска држава, изјави министерката за надворешни и европски работи на Хрватска, Весна Пусиќ на прес-конференција во Риека и нагласи дека се уште нема потврда дека Салопек е убиен.
„Салопек е киднапиран на 20 јули, а осум дена подоцна за него се побарани пари. Ова барање било упатено само еднаш и бил насочено кон француската компанија за која работел Салопек и потоа веќе не се споменувало“ изјавила, Пусиќ.После тоа немало контакт со терористите се до 5 август кога Исламската држава објави снимка. „Тогаш беше побарано да се ослободат заробените жени од исламска вероисповед“, изјавила Пусиќ додавајќи дека барањето не било специфицирано и тоа било непријатно предупредување. Киднаперите не се јавувале за да може со нив да се преговара.„Проблематично во тоа барање е тоа што практично 99 отсто од жените во египетските затвори се муслиманки, а на никој начин не било специфицирано дали се бараат одредени припадници на некоја одредена организација или конкретни лица. Од сето тоа експертите заклучиле дека една група го киднапирала, а друга група ја објавила видео снимката. Првата група биле обични разбојници кои барале пари, но барањата се промениле кога стигнал во рацете на Исламската држава. Хрватска се уште нема потврда за тоа дека Салопек е погубен и дека по него се трага со ист интензитет и дека во потрагата вклучени се најдобри експерти со најдобра технологија.„Работиме со ист интензитет како до сега, како и сите служби во Египет. Соработуваме со сите поголеми земји од ЕУ и светот кои нам ни пружија помош. Хрватска ќе трага по него се додека изгледи дека е се уште жив“, изјавила Пусиќ, но додала дека не сигурно дека некогаш ќе може да се потврди дали Салопек е мртов.„Морам да кажам дека посебно сочувствуваме со семејството, кое под овие незамисливо тешки околности е храбро и се бори за секоја можност за спасување и пронаоѓање на Салопек и тоа треба да биде пример за сите нас“, рекла Пусиќ.Се заблагодарилала на египетсктие власти за помошта, како и на францускиот премиер Франсоа Оланд и Исламската верска заедница во Хрватска која се обидела да помогне преку верските авторитети во Египет.„Коалицијата против терористичката организација Исламска држава е поважна од било кога. Овој вид на тероризам е голбална опасност и и никој не го заобиколува. Обидите да се означат одредени држава и да се покаже дека ако не се борите против тероризмот нема да бидете жртва, се манипулација. Не е вистина дека ако не се борите против тероризмот, немда да бидете негова жртва“, рекла Пусиќ.Според неа, Хрватска не може да ја предводи таа борба, но не може да се крие „под маса“ и да се надева дека ќе нападнат некој друг.„Што повеќе се криете, тоа сте позагрозени, Ова е момент кога цела Хрватска треба да се собере и одлучно да се спротивстави на злото и злосторствата од тероризмот, цела држава да се обедини во поддршка за семејството Салопек“, рекла Пусич.Таа смета дека не е вистинит наведениот мотив за киднапирање и убиства, односно учеството на Хрватска во борбата против Исламската држава.Египетските власти, како што изјави Пусиќ, не биле подготвени за преговори со киднаперите.„Не можам да знам или подетално да разговарам за тоа што се случувало во египетската влада, но во текот на разговорите со тамошниот министер за надворешни работи како пролем беше истакнато пред се, неспецифицираното барање на киднаперите и тоа што тие не се јавувале за да би можело да се преговара со нив“, нагласила министерката.Томислав Салопек беше грабнат дваесетина километри југозападно од Каиро, а во средата Исламската држава објави дека го погубила Салопек. Ниту хрватските, ниту египетсктие власти се уште не потврдуваат дека Салопек е убиен./крај/мф/ффс
Извор: Hina.hr
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.