Регион
Русија нема да го признае Косово, Србија не воведува санкции против Москва
Рускиот претседател Владимир Путин изјави во четвртокот во Белград дека Русија и Србија имаат цврсти политички односи и дека Москва нема да го менува ставот за Косово чијашто независност не ја признава, додека српскиот премиер Александар Вучиќ повтори дека неговата земја нема да воведува санкции против Русија.
Рускиот претседател Владимир Путин изјави во четвртокот во Белград дека Русија и Србија имаат цврсти политички односи и дека Москва нема да го менува ставот за Косово чијашто независност не ја признава, додека српскиот премиер Александар Вучиќ повтори дека неговата земја нема да воведува санкции против Русија.
На заедничката прес-конференција одржана по состанокот со рускиот претседател, српскиот премиер Александар Вучиќ нагласи дека Србија нема да воведува санкции против Русија, истовремено истакнувајќи дека Белград нема да се откаже од придружувањето на Европската унија.
„Срам ми е да повторувам дека не сме вовеле санкции и дека нема да ги воведуваме. Тоа оваа влада сигурно нема да го стори“, изјави Вучиќ потенцирајќи дека Србија се наоѓа на европскиот пат и дека од тоа нема да се откаже, како и дека и’ е благодарна на Русија што го почитува тоа и не врши никакво притисок Белград да се откаже од европскиот пат.
„Руската Федерација секогаш ја штитеше Србија, но и Србија покажа дека е пријател на Русија и во тешките моменти“, изјави српскиот премиер.
Рускиот претседател Владимир Путин, откако претставниците на двете земји потпишаа низа договори за билатерална соработка вклучително и во секторот на одбраната, изјави дека економските односи меѓу двете земји се развиваат „многу добро“, како и дека Русија и Србија имаат цврсти политички односи. Истакна дека ставот на Москва по прашањето на поранешната српска јужна покраина Косово и Метохија (Косово) која во 2008 година еднострано со поддршка на САД и водечките земји на ЕУ прогласи независност, нема да се менува. Русија очекува конструктивен дијалог со Организацијата за безбедност и соработка во Европа (ОБСЕ) кога Србија ќе претседава со оваа асоцијација.
Путин додаде дека косовското прашање треба да се решава во согласност со Резолуцијата 1244 на Советот за безбедност при Обединетите нации и дек Русија ќе го задржи таквиот став и во иднина.
„Ми се заблагодаруваме на (српскиот претседател Томислав) Николиќ и на премиерот Вучиќ на поканата (за посета на Србија). Разговорите минаа во конструктивна и работана атмосфера. И нашите трговско-економски односи се развиваат многу добро“, рече Путин на прес-конференцијата.
Српскиот премиер исто така објави дека од рускиот претседател добил согласност за извоз на рускиот пазар на автомобилите на „Фијат“ кои се произведуваат во Крагуевац, како и дека е договорен значителен извоз на земјоделски производи во Русија. Во текот на разговорите била отворена и темата за зголемување на стоковната размена и решавањето на некои прашања од областа на енергетиката, дополни Вучиќ.
Рускиот претседател Владимир Путин во еднодневна посета на Белград каде што присуствува на парадата, прва по 1985 година, по повод 70-годишнината од ослободувањето на српската престолнина во Втората светска војна, прва по 1985 година, во што учествувале и единици на советската Црвена армија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.