Регион
Сириза го зголемува водството
Грчката партија на крајната левица Сириза во вторник, на помалку од една недела пред парламентарните избори, го зголеми водството на изборните анкети од 4,5 на 6,6 отстотни бодови, покажуваат најновите податоци што ги пренесува dpa.
Грчката партија на крајната левица Сириза во вторник, на помалку од една недела пред парламентарните избори, го зголеми водството на изборните анкети од 4,5 на 6,6 отстотни бодови, покажуваат најновите податоци што ги пренесува dpa.
Партијата предводена од Алексис Ципрас најави крај на политиката на строги мерки на штедење и многу реформи, запирање на приватизацијата и нови преговори со Европската унија(ЕУ) околу прашањето на долгот.
На изборите во недела оваа партија, како што сега покажуваат анкетите, би можела да освои 33,5 отсто од гласовите на бирачите.
Конзервативната владејачка партија Нова демократија, која е главен конкурент на сè попопуларната левица, ја ужива поддршката на 27 отсто од избирачите. Партијата предводена од актуелниот грчки премиер Андонис Самарас сака да продолжи со реформите што се дел од пакет на меѓународната помош за стабилизирање на грчката економија.
Социјалистичката партија ПАСОК, која во моментот коалицира со Нова демократија, е на трето место со поддршка од само 5,1 отсто од гласачите.
Грчките и меѓународните аналитичари стравуваат дека победата на Сириза би можела да ја доведе земјата во пат позиција заради противењето кон меѓународните кредитори. Атина кон средината на годината би можела да банкротира доколку со Европската комисија(ЕК), Европската централна банка(ЕЦБ) и Меѓународниот монетарен фонд(ММФ) не постигне договор за новата транша помош. Пакетот помош што во моментот е на сила истекува на 28 февруари.
Ципрас најави дека во случај на победа на изборите ќе свика „должничка конференција“ за простување на долговите, потсетувајќи на простувањето на половина од долговите на Германија во 1953 и на Полска во 1991 година. На тоа решително се противат Германија и ММФ.
Професорот по економија на универзитетот Оксфорд, Симон Врен-Луис смета дека смалувањето на товарот на долгот на Грција, а веројатно и на други места, би и донело на еврозоната многу колективна полза. Простување на долговите заговара и Ханс Вернер Шин, претседател на германскиот економски институт Ифо од Минхен, кој тврди дека е јасно оти Грција никогаш нема да може да го врати целиот долг. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Регион
Кризата во Бугарија продолжува: никој не може да формира влада, на повидок се нови избори
Претставниците на партијата Има таков народ, денеска, на бугарскиот претседател Румен Радев му го вратија третиот и последен мандат за состав на влада, со што се отвора патот за закажување вонредни парламентарна избори.
Мандатот што ѝ беше врачен на ИТН беше последна шанса за формирање редовна влада во рамките на сегашното Народно собрание, јавува Бугарското радио. Претседателот Радев сега треба да го одреди датумот на предвремените избори за парламентот откога неисполнети му беа вратени трите мандати за формирање влада.
На изборите во април минатата година ГЕРБ освои 69 пратенички мандати, коалицијата предводена од партијата Продолжуваме со промените освои 64 од вкупно 240 места во бугарскиот парламент, а нивните обиди за формирање влада претходно беа неуспешни.
Првиот мандат Радев ѝ го довери на коалицијата ГЕРБ-СДС, но таа не формира влада, мандатарката Марија Габриел се откажа и го врати мандатот.
Вториот мандат за состав на влада му беше доверен на Николај Денков.
Третиот мандат за состав на влада, според бугарскиот Устав, претседателот го доверува на една од другите парламентарни сили, по негова дискреција, во рок од 7 дена. Според Уставот, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеца.