Регион
Турција: Приведени главниот помошник на Ѓулен и вкупно над 13.000 луѓе
Клучниот помошник на исламскиот проповедник Фетулах Ѓулен, кого Анкара го обвинува за минатонеделниот неуспешен обид за воен преврат во Турција и бара негово екстрадирање од САД каде што живее во егзил од 1999 година, е уапсен во Турција, пренесува Reuters во саботата вечерта повикувајќи се на извор во претседателската администрација.
Според кажувањето на соговорникот на агенцијата, станува збор за Халис Ханџи, кој бил „десната рака“ на Фетулах Ѓулен, обвинет за организација на обидот за воен преврат од ноќта на 15-ти јули и претходно за воспоставување на „паралелни структури“ во турската држава. Тој, наводно, пристигнал во Турција два дена пред обидот за државен удар.
Други поединости за апсењето на Ханџи изворот на Reuters не изнесол.
Претходно во саботата беше објавено дека во градот Ерзурум, во источниот дел од Турција, е уапсен внукот на Ѓулен, Мохамед Саид.
Истовремено, турскиот премиер Бинали Јилдирим изјави дека повеќе од 13.000 луѓе се приведени во истрагите за неуспешниот пуч, коригирајќи ја досегашната бројка од 10.600 уапсени.
„До денеска се уапсени 13.002 лица. Во Истанбул се приведени 3.879 луѓе, во Анкара 2.743, во Измир – 197, а во другите покраини 6.192 луѓе. Од уапсените 1.329 се полицајци, 8.831 се војници, од кои 163 генерали и адмирали, 2.329 се офицери, 2.100 судии и обвинители, 53 началници во администрацијата. Приведени се уште 5.837 други лица. Приведувањата ќе продолжат“, изјави турскиот премиер во интервјуто за телевизијата А Haber./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.