Регион
Турските власти го потврдија идентитетот на бомбашот самоубиец во Суруч
Турските власти официјално во средата го идентификуваа 20-годишниот Турчин како извршител на самоубиствениот бомбашки напад која го припишуваат на џихадистичката група Исламска држава во кој во понеделникот во градот Суруч во покраината Шанлиуфра на самата граница со Сирија загинаа најмалку 32 лица и стотина беа ранети.
„Врз основа на ДНК анализата може да потврдиме дека сторител на нападот е дваесетгодишник по потекол од југоисточниот град Адијаман“, изјавил извор од турските безбедносни служби за дневниот весник Hürriyet, додавајќи дека станува збор за бомбаш самоубиец поврзан со Исламската дражва.
Најмалку 32 политички левичарски активисти и доброволци загинаа од вкупно 300-те кои во понеделникот претпладне од Федерацијата на здруженијата на социјалистичката младина (SGDF), претежно турски Курди, кусо пред тие да ја минат границата и да помагаат во обновата на курдскиот сириски град Кобане, разорен во повеќемесечната опсада на џихадистите.
Момчето чијшто идентитет е објавен под иницијалите С.А.А., медиумите во меѓувреме ја објавија неговата лична карта најдена на местото на злосторството од која се гледа дека станува збор за лице Сејх Абдурахман Алаѓоз, пред само два месеца ѝ се приклучил на Исламската држава.
Мајката на момчето Семире Алаѓоз, изјавила за турските медиуми дека нејзиниот син заминал во „странство“ пред шест месеци и се вратил само десет дена пред таа да го загуби контактот со него во понеделникот, во периодот по експлозијата во Суруч.
„Тие не кажаа каде заминаа и каква работа вршат. Не знам како се нашол во Исламската држава. Тој беше добро момче“, рекла мајката додавајќи дека и помалиот врат Јунус, исто така, е исчезнат.
Само неколку часа по нападот, турскиот премиер Ахмет Давутоглу одговорноста за масакрот во Суруч им ја припиша на џихадистите од Исламската дражва, кои цела година контролираат големи делови од Сирија и Ирак, како и голем дел од 900 километри долгата турско-сириска граница.
Во средата претпладнето гувернерот на покраината Шанлиуфра, Изетин Кучук за медиумите изјави дека во југоисточниот град Чејланпинар, исто така, на границата со Сирија, биле пронајдени телата на двајца мртви полицајци, застрелани со истрели во главата.
„Сé уште не знаеме дали овој случај поврзан со тероризам“, изјави Кучук за турските медиуми. Според привичните податоци од истрагата, телата на двајцата припадници на безбедносните сили се пронајдени во иста куќа.
Меѓу овие имиња на листата можни џихадистички атентатори фигурирале и имиња на три жени. Весникот Habertürk, пак, ги идентификуваше нив како Фадиме Курт, Озлем Јилмаз и Нурај Демирел, како можни извршителки на бомбашки напади во Турција.
Вештаците од судските медицина за Hürriyet изјавиле дека работат на идентификација на деловите од распарчените тела, „освен на едно коешто е целосно разнесено“. Меѓу сé уште неидентификуваните 32 тела, се смета дека се наоѓаат и на жените осомничени дека помагале во атентатот.
Уште во септември 2014 година турските медиуми пишуваа дека ново појавени исламски здруженија вршат регрутација на борци за Исламската држава меѓу Турција. Досега се проценува дека повеќе стотици турски државјани им се приклучиле на џихадистите во Сирија, поради што турските власти ја зголемија контролата над граничниот појас каде што веќе беа изведувани бомбашки напади, и спроведуваа масовни приведувања на осомничени за поврзаност со сунитските радикали./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.