Регион
УНС:Неетичко известување за случајот Тијана Јуриќ
Здружението на новинари на Србија (УНС) ги предупреди колегите дека уредниците и новинарите секогаш се должи да се придружуваат до етичките норми и Кодексот на новинари, особено кога известуваат за трагични настани кои погодуваат не само поединци и нивните семејства, туку целата јавност.
Игор Јуриќ, таткото на убиената Тијана Јуриќ, изјави дека одделни медиуми биле сурови, го уценувале дека доколку не им даде изјава нема да ја објават фотографијата од исчезнатот девојче и дека покрај потрагата за исчезнатот дете морал да се бори со неосновани текстови, се наведува во сопштението објавено на сајтот на УНС.
Без проверка и без релевантни извори за време на потрагата за Тијана, нејзиниот татко е обвинет дека имал долгови кон лихвари.
УНС истакнува дека новинарите во прибирањето на информации не смеат да се служат со изнуда, закана и прогонување на изворот.
Според професионалните стандарди, новинарите не смеат да ветуваат поволно известување во замена за информации.
Во моментот кога девојчето се водеше за исчезнато, објавувањето на нејзина фотографија би значело зголемување на шансите што поскоро да биде откриено.
УНС потсетува дека Кодексот им налага на новинарите во извештаите за настани кои вклучуваат личен бол и шок да имаат сочуство кон луѓето со кои разговараат.
Кодексот исто така ги обврзува медиумите да ги штитат правата и достојанството на децата.
УНС бара од колегите кога известуваат за случаи кои длабоко ја потресуваат јавноста да ја почитуваат претпоставката за невиност и да прават јасна разлика помеѓу факти, препоставки и нагаѓања.
Еклатантнет пример за кршење на нормите е текстот под наслов „Што ги чека монструмите во затвор: Го проколнуваат денот кога се родени!, објавен на еден сајт, се вели во соопштението на УНС./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.