Регион
Во атентатот во Анкара, бомбашите самоубијци носеле по 5 кгр експлозив
Уште малку време е потребно за целосно идентификување на двајцата бомбаши самоубијци кои во саботата утрото активирале две експлозивни направи од по 5 килограми извршувајќи го саботата утрото во турската престолнина Анкара најголемиот терористички напад во земјата во кој загинаа најмалку 97 луѓе, изјави во понеделникот вечерта портпаролот на турската влада Нуман Куртулмуш по седницата на министерскиот кабинет.
Тој не ја коментираше информацијата дека во терористичкиот чин е најверојатно инволвирана екстремната сунитска организација Исламската држава, како што ден претходно алудираше премиерот Ахмет Давутоглу.
„Истрагата се врши многу внимателно. Во овој момент веќе речиси јасно дека терористичкиот чин го извршиле двајца бомбаши самоубијци“, изјави Куртулмуш, додавајќи дека сепак и оваа информација сé уште не е официјална, додека не завршат истражните мерки.
„Во овој терористички чин загинаа 97 луѓе, од кои 92 лица се идентификувани. Во болниците лекарска помош побарале 365 лица, а од нив 138 сé уште се лекуваат, додека 58 луѓе се на одделите за интензивна нега“, соопшти портпаролот на владата на Турција.
Нападот од 10-ти октомври во Анкара кој се случи на почетокот од протесната поворка против турско-курдскиот судир во југозападна Турција на повик на синдикатите, невладините организации на која се придружија и опозициските прокурдски и левичарски партии, стана најголемиот во историјата на земјата.
Премиерот Давутоглу и претседателот Реџеп Тајип Ердоан оценија дека целта била дестабилизација на турското општество пред предвремените парламентарни избори кои треба да се одржат на 1-ви ноември. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.