Регион
Во Република Српска се одржува референдум за одбележување празник
Во Република Српска, во недела се одржува референдум, на кој граѓаните се изјаснуваат дали сакаат 9 јануари во иднина да се одбележува како Ден на Републиката во Република Српска.
Во Република Српска, во недела се одржува референдум, на кој граѓаните се изјаснуваат дали сакаат 9 јануари во иднина да се одбележува како Ден на Републиката во Република Српска.
Официјалните претставници ги повикаа граѓаните масовно да излезат на избирачките места и достоинствено да одлучат дали сакаат 9 јануари да биде роденден на Република Српска.
Право на глас имаат 1.219.399 граѓани, кои ќе се изјаснуваат на околу 1.900 гласачки места. Оние граѓани на Република Српска, кои денеска ќе бидат во Србија, ќе можат да го исполнат своето гласачко право во Белград, Нови Сад, Зрењанин, Суботица и во Панчево. Освен во Србија, а граѓаните на Република Српска ќе можат да гласаат и во Австрија, Белгија, Русија, Германија и Швајцарија.
Според најавите на Комисијата за спроведување на реферндумот, првите прелиминарни резултати ќе можат да се очекуваат во текот на ноќта.
Претседателот на Република Српска, Милорад Додик, гласаше во недела на референдумот при што порача дека сите имаат право да се изјаснат и ги повика сите до крајот на денот да излезат и да го искористат своето право на глас.
Референдумот има советодавен карактер, односно дава мислење за актот кој дополнително ќе биде донесен во Парламентот на Република Српска, согласно мнозинското изјаснување на граѓаните, а по гласањето тој ќе биде обврзувачки.
Референдумот ќе се одржи во атмосфера на зголемени тензии меѓу Бања Лука и Сараево, имајќи превид дека Уставниот суд на Босна и Херцеговина, кој раководството на Република Српска не го признава, донесе одлука дека ова гласање е неуставно, па поради тоа нема ни набљудувачи.
Против одржувањето на референдумот се и претставници на меѓународната заедница, ЕУ, Советот за имплементација на мирот во Босна и Херцеговина, државниот врв на Хрватска и на Србија, додека Русија е единствена која го поддржува./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.